DECRETUM 461

3. Idem pariter resolvendum, si parentes habuerint qui dum in vivis essent, professi sint se nolle ad ullam sectam pertinere, seque Ens supremum honestis potius , ut aiunt , moribus, quam speciali aliquo cultu honorare.

4. Si parentes habuerint pertinentes ad sectam quae eumdem ut necessarium habet, vel in qua saltem ordinarie administratur, et iidem parentes in secta sua zelosi fuerint, praesumendus est baptismus. At quid si parentes in secta socordes fuerint, aut ad sectam pertinuerunt, quae baptismum quidem non respuit, sed eum non habet ut necessarium et in qua ordinarie non administratur ? an in utroque aut alterutro casu praesumendus baptismus vel non ?

5* Si iuxta unius tantum parentis sectam et animi ut supra zelosam dispositionem praesumptio faveat baptismo , et in educa- tione prolis de facto et indubie primas habuerit partes, praesumen- dus est baptismus.

Idem résolve, si facta inquisitione, ignoretur aut non satis con- stet utrum primas habuerit partes ; baptismus enim in ordine ad matrimonium praesumendum est cum coniugium semel initum cen- sendum sit validum quamdiu obex se prodat. Sed quid si certo constet, illius qui de facto et indubie primas in educatione habuit partes sectam et animi dispositionem non favere baptismo, dum alterius secta et animi dispositio eidem favet ?

6. Casu quo nulla pro baptismo militat praesumptio, applicanda est regula : factum non praesumitur , sed probandum est. Huius regulae applicatio in his Foederatis Statibus ubi inter acatholicos plurimi sunt , qui de baptismo infantibus suis conferendo nihil aut parum curant, potiori forte iure locum habere debet, quam in multis aliis regionibus.

Quaestiones praefatae ideo praecipuae proponuntur, ut ex earum solutione norma habeatur, iuxta quam tuto procedi possit in his praesertim casibus. Io Dum ex duabus partibus acatholicis ab in- vicem ut supra separatis, altera in gremium Ecclesiae recipi po- stulat, et ad alias nuptias eonvolavit aut convolare cupit. 2° Dum pars catholica ab acatholica ut supra separata, cum alia coniungi postulat, aut cum alia iam iuncta, ad sacramenta admitti exoptat.

Feria I V , die 1 augusti 1883.

In congregatione generali S. R. et Universalis Inquisitionis habita coram Emis ac Rmis DD. S. R. E. Cardinalibus in rebus fidei Inquisitoribus generalibus propositis suprascriptis dubiis, et prae- habito voto DD. Consultorum, Emi decreverunt.