406. In sanctae Restitutae.

1. Plebs devota mente tota,

Sordes absterge criminum,
Ut hac die dicas pie:
Jesu, corona virginum.
2. Restituta virgo tuta
Virtutis tuae munere
Mortem spernit, vitam cernit
Jam lucis orto sidere.

3. Mollis sexus non est flexus
Tormenta passus varia,
Sed invictus est amictus
Aeterna coeli gloria.
4. Voce virum vincit dirum
Puella dulci famine:
Hoc est carum, quia rarum
A solis ortus cardine.

5. Non movetur nec terretur
Tyranni visa furia.
Pro terrenis spretis poenis
Beata nobis gaudia.
6. Ignis, unda, cum sit munda
Peccati labem nesciens,
Cedunt rite, parcit vitae
Verbum supernum pro-
di ens.

7. O res mira, languet ira,
Ejus ministri pereunt,
Sancta claret, nox disparet,
Vexilla regis prodeunt.
8. Tot baec signis est insignis
Et stupendis operibus,
Ergo coetus psallat Iactus,
Exsultet coelum lau-
dibus.

9. Tuae laudis, sicut audis,
Servos canentes carmina
Duc ad coenam agni plenam,
O gloriosa domina.