462 Acta Apostolicae Sedis - Commentarium Officiale

17. - Si acciderit actorem vel testem inductum ab eo aut ex officio vo -

catum in iudicium non venire, de non secuta comparitione in iudicium et

«de causa saltem probabili non accessus, an ex. gr. agatur de impossibilitate

Tel de inobedientia seu de contumacia, in actis mentio fiat. Et si de actoris

contumacia agatur, haec declaretur (can. 1843), atque instantia perempta

habeatur ad normam can. 1850, nisi intersit rei publicae nullitatem decla-

rare, uti si ageretur de casu amentiae, et in actis apposita documenta refe-

rantur ad H. S. O. transmittenda.

18. - § 1. In processu eiusmodi, cum requiratur praesentia sacrae ordi-

nationis defensoris, eo non citato, acta irrita sunt, nisi ipse, etsi non citatus,

revera interfuerit (can. 1587 § 1).

§ 2. Si legitime citatus aliquibus actis non adfuerit, acta quidem

valent, verum postea sacrae ordinationis defensoris examini subiicienda

omnino erunt, ut ea omnia, sive voce sive scriptis, possit animadvertere et

proponere, quae necessaria aut opportuna iudicaverit (can. 1587 § 2) .

19. - Defensoris sacrae ordinationis ius et officium est: 1) examini actoris

et testium adesse; exhibere iudici interrogatoria clausa et obsignata, in actu

examinis a iudice aperienda, et actori ac testibus proponenda; novasque

interrogationes ab examine emergentes iudici suggerere; ac praesertim con-

testationes, quae actori vel eius testibus super deprehensis contra-

dictionibus erunt faciendae; 2) articulos ab actore propositos perpendere,

eisque, quatenus opus sit, contradicere; documenta exhibita recognoscere;

3) animadversiones circa assertum intentionis defectum vel coactionem aut

aliud vitium consensus scribere et allegare, eaque omnia deducere, quae

ad sacram ordinationem tuendam utilia censuerit (can. 1968).

20. - Defensori sacrae ordinationis ius esto: 1) semper et quolibet causae

momento acta processus invisere; novos terminos ad acta perficienda flagÍT

tare, prudenti iudicis arbitrio prorogandos; 2) de omnibus probationibus

vel allegationibus ita se certiorem facere, ut contradicendi facultate uti

possit: 3) petere ut alii, testes inducantur, vel iidem iterum examini subii-

ciantur, processu etiam absoluto et clauso; novasque animadversiones edere;

4) exigere ut alia acta, quae ipse suggesserit, conficiantur, nisi iudex dis-

sentiat, et hoc in casu, si iudex non sit ipsemet Ordinarius, ad hunc

recurrere (can. 1969).

21. - Actuarii, qui notarii seu cancellarii in processu partes explet,

praecipuum munus erit legitime actis conficiendis incumbere, acta fideliter

custodire ne cuipiam extraneo pateant, transumpta conficere et de eorum

authenticitate testari.

22. - Tam iudex instructor quam defensor sacrae ordinationis curent,

ut pars, vel testis vel peritus, interrogationi, ipsi delatae respondeat quoad