462 TREVIREN.

cundiae effectu non est facile credenda. Nam ut medici te- stantur, si vir in copula perficienda invenit obstaculum in vase mulieris, potius magis ad passionem et libidinem ex- citatur.

Quibus animadversionibus factis concludit, ex assertio- iiibus coniugum certum argumentum pro non consummatione huius matrimonii peti non posse, quoniam ipsorum testi- monia non concordant, difficultatibus et dubiis sunt obnoxia atque factum certum et indubitatum destructae virginitatis physicae in Susanna nulla probabili ratione explicant.

Quare cum testimonium coniugum ex sese plenam et certam fidem non faciat, parum corroboratur testimonio septimae manus. Nam huiusmodi testimonium tantum alle- gatur ab una parte, sci. uxoris; porro non est datum prae- sente defensore vinculi matrimonii, neque singuli testes seor- sim, ut cit. instr. S. O. O. praescribitur, fuerunt examinati, sed omnes simul in tribunali comparent, neque de causis, unde habeant hanc scientiam fit examinatio, neque de te- stium fide et honestate acta iudicialia quidquam continent, sed omnes stabili brevique formula testantur, se assertiones duorum coniugum in casu de non consummatione matri- monii habere credibiles. Huiusmodi attestationibus certitudo facti per veras tabulas iudiciales comprobata non habetur.

Unice igitur restat examen lanii Thiel et parentum Su- sannae. Verumtamen examen lanii Thiel est exigui momenti. Etenim is fatetur, Susannam nunquam coram ipso de vita coniugali conquestam esse, imo sese illam vix cognoscere. Quoad Franciscum maritum Susannae, testatur, illum post matrimonium civile cum secunda sua uxore contractum sibi dixisse, quod cum prima uxore coitum perficere non potuerit. Ex priore parte huius testimonii de Susanna evi- denter nihil eruitur, altera autem pars solummodo illud in- sinuât, quod uxor exacerbata suo marito paulatim denegant debitum coniugale, at quod nunquam locum habuerit aliqua copula coniugalis, quae sufficiat ad consummandum matri- monium certo deduci non potest. Insuper huiusmodi testi-