462 LITTERAE ENCYCLICAE

magnam iterum testantes, qua plane ducimur, fore ut, ex hoc Iubilaei munere extraordinario, auspice Virgine Immaculata a Nobis concesso, quamplurimi, qui misere a Iesu Christo seiuncti sunt, ad eum revertantur, atque in christiano populo virtutum amor pietatisque ardor refloreat. Quinquaginta abhinc annos, quum Pius decessor beatissimam Christi Matrem ab origine labis nesciam fide catholica tenendam edixit, incredibilis, ut di- ximus, caelestium gratiarum copia effundi in hasce terras visa est; et, aucta in Virginem Deiparam spe, ad veterem populo- rum religionem magna ubique accessio est allata. Quidnam vero ampliora in posterum expectare prohibet ? In funesta sane incidimus tempora ; ut prophetae verbis conqueri possimus iure : Non est enim veritas, et non est misericordia, et non est scientia Dei in terra. Mcdedictum, et mendacium, et homici- dium, et furtum, et adulterium inundaverunt (1). Attamen, in hoc quasi maiorum diluvio, iridis instar Virgo clementissima versatur ante oculos, faciendae pacis Deum inter et homines quasi arbitra. Arcum meum ponam in nubibus, et erit signum foederis inter me et inter terram (2). Saeviat licet procella et caelum atra nocte occupetur; nemo animi incertus esto. Ma- riae adspectu placabitur Deus et parcet. Eritque areus in nu- bibus, et videbo illum, et recordabor foederis sempiterni (3). Et non erunt ultra aquae diluvii ad delendum universam car- nem (4). Profecto si Mariae, ut par est, confidimus, praesertim modo quum immaculatum eius conceptum alacriore studio ce- lebrabimus; nunc quoque illam sentiemus esse Virginem po- tentissimam, quae serpentis caput virgineo pede contrivit (5).

Horum munerum auspicem, Venerabiles Fratres, vobis po- pulisque vestris Apostolicam benedictionem amantissime in Do- mino impertimus.

Datum Romae apud S. Petrum, die n februarii MCMIV, Pon- tificatus Nostri anno primo.

PIUS PP. X

(1) Os. IV, 1-2.

(2) Gen. IX, 13.

(3) Ib. 16.

(4) Ib. 15.

(B) Off. Imm. Conc B. M. V.

~*^H^e :