Dispensationis a servitio chori 463

propterea eiusdem libellum esse reiiciendum. Sane constabat ab anno 1827 ad 1830 a choro fuisse legitime exemptum ratione indulti: ab anno 1831 ad 1871 habere diligentiarum puncta 27397 et negligentiarum 21105.

Cum autem et ipse orator ex Episcopi relatione fateretur chori servitium non fuisse continuum et laudabile sed insisteret in causa morbi, quo afficiebatur, iterum Episcopus Capitulum de hac re rogavit, quod votum oratori contrarium emisit his rationibus: i. quod infirmitas coniuncta non esset cum lauda- bili servitio et quia Indultum praeiudicium inferret ecclesiae collegiatae ob imminutum Capitularium numerum: 2. quod infirmitas talis non esset, quae oratorem imparem redderet chori frequentiae, eo magis quod orator cursaret in oppido N. et in finitimis urbibus ad sua peragenda negotia et diebus festis ad ruralem ecclesiam pergeret pro Missae celebratione. Quod si infirmitas illum imparem redderet ad chorales obliga- tiones adimplendas curare posset, ut per alium repraesenta- retur ; minime autem per Indultum perpetuo exoneraretur.

At subsumebat orator, infirmitatem esse insanabilem et eum imparem reddere ad chori frequentiam eoque magis ad Mis- sam conventualem aliasque obligationes chorales, eo quod absque baculi auxilio omnino consistere nequiret. Quod pro- babat ex dicta medici attestatione. Quod si ad sua negotia peragenda discurrere cogeretur, id praestare inquiebat iugiter baculi auxilio quod nunquam relinqueret etiam cum Missam celebraret necessitate compulsus in rurali ecclesia, ne rurales ipsi Missa carerent diebus festis, ea celebrata in privato suo sacello diebus ferialibus iuxta obtentum Indultum. Hisce autem rationibus, concludebat se haud teneri per alium Capi- tularem repraesentari, sed ratione infirmitatis omnino exonerari.

Episcopus autem non quidem pro Iubilationis indulto, cum negligens choro fuisset, sed pro Indulto causa infirmitatis con- cedendo opinabatur, praesertim ex eo quod admirationem pare- ret si orator baculo suffultus Missam caneret aut ministri officio fungeretur.