464 E X S . G . R I T U U M

tur et diaboli arbitrio permissa. Et daemon quidem, si unquam antea eam divexaverant, tum certe rabiem et tentationes duplica- bat, suggerens ei nequaquam ad Dei gloriam aeternam que salutem valuisse, quae adhuc fecerat, quasi nunquam consiliis moderatorum obtemperasset, sed suo ; ideoque vindictam iusti Dei poenasque sem- piternas ei paratas. Ad hos tentatoris vaferrimi impetus respon- debat illa quidem humilians se magis magisque ante Deum, et au- xilium misericordiae divinae sibi famulae indignissimae implorans; sed interdum tanta erat tentationum huiusmodi vehementia, ut illa magnis gemitibus conquereretur quod Deus se dereliquisset. At suc- currit, Deo miserante, opportune Maria Laigle, infinitam miseri- cordiae divinae amplitudinem commemorans, additque ne despon- deret animum in ea tentationis procella quam superventuram, Deo revelante, cognoverat. His auditis, concidit subito tota diabolicae fraudis machinatio et in animum D. i S. mira subiit tranquillitas. Post internum hoc teterrimumque supplicium, quod ad quatuor men- ses eam cruciavit, dolores corporis quotidie ingravescentes maxima cum alacritate sustinere visa est.

Nam privationem illam omnis solatii spiritualis tanta coele- stium consolationum infusio subsecuta est, ut Ioanna toto reli- quo tempore saepe saepius in suavissimam contemplationem divi- norum gaudiorum elevata, iam inter supernae patriae cives versari videretur. Tertio ante obitum die ubi imaginem vidit Iesu Infan- tis, quam sibi afferri mandaverat, in extasim rapta, postquam se recepit multis cum lacrimis veniam exoravit peccatorum et negli- gentiae suae.

Sacramenta Ecclesiae, quum coepit male habere, ipsamet po- stulavit, summaque excepit cum contritione cordis et pietate. San- ctissimam Eucharistiam, quam tota vita esurierat, decimo quoque die (nec enim lege episcopali licebat frequentius) in Viaticum aman- tissime sumebat. Legis tamen rigiditatem pro D. F. pietatis eius gratia, relaxavit Vicarius Generalis Dioeceseos, permisitque bis in hebdomada divino eam recreari ferculo. u Ce fut une joie très grande pour cette âme, avide de la Sainte Eucharistie, et qui, depuis long temps, était habituée à la Communion quotidienne ".

Identidem, dum extremo decubuit morbo, ad suas moniales verba faciebat de servandis officiis; et quoad potuit, admirabili pru- dentia rexit Institutum. Commemorat Testis LXIV sermonem, quem Ioanna moriens ad Sorores habuit, eumque commendat, tamquam testamentum eius, in quo, inquit u l'unité de la vie et des oevres,