409. De sancto Romualdo.

Ad Laudes.

1. Ordinis auctor, Romualde, morum
Lux Ravenatum radians, locorum
Conditor felix eremi, virorum
Laudibus esto,

2. Ut tuas Christo recitare laudes

Vox queat nostra, quibus, alme, gaudes
Atque nobiscum pietate plaudes
Carmine festo.

3. Quas pias proles generare caelis
Maldulus Alpis meruit fidelis,
Daemonum salva, pater, ipse telis
Nocte dieque.
4. Ut dies festi monachis colantur
Laudibus dignis, Domino ferantur
Gloriae grates, superi petantur
Voce fideque.
5. Qui ferant nobis meritum juvamen,
Fide quod nullum sit agens gravamen,
Adsit et nobis speciale flamen
Auxiliator.

6. Totaque nobis trinitas faveto,
Unitas nostros stimulos caveto,
Eximas coetus animaeque leto,
Rex dominator.