466 Acta Apostolicae Sedis - Commentarium Officiale

per tam meditatas artes additamque, ad arbitrium excusandum,

quandam legum speciem, perpauci .plurimorum libertatem, nulla

civium in cives pietate, nulla habita avitarum laudum ratione,

quoquo pacto interceperint. Ob ; indictas igitur ad rem atque

adhibitas privatim publiceque supplicationes volumus ne vobis

desit fidelibusque universis amplissimum gratae voluntatis No-

strae testimonium; quas quidem preces, salutariter haberi coe-

ptas, magni profecto refert minime intermitti, immo etiam conti-

nuari vehementius. Etenim rerum temporumque vices, sententiis

amorisque hominum immutatis, ad societatis humanae regere

atque accommodare salutem, sane mortalium non est sed divini

Numinis, quod unum potest eiusmodi vexationibus finem certum-

que terminum constituere. Yobis vero ne videamini, Venerabiles

Fratres, eiusmodi supplicationes nequiquam indixisse, quod rei-

publicae Mexicanae gubernatores, ob inexpiabile religionis odium,

nefaria iussa acrius duriusque urgere perrexerint: copiosiore

enim divinae gratiae effusione et clerus et catholicorum illorum

multitudo ad patienter resistendum roborati, tale de se exemplum

spectaculumque ediderant, quod Nosmet ipsi, sollemni aposto-

licae auctoritatis documento, in luce totius catholici orbis iure

meritoque collocemus. Superiore quidem mense, quo die frequentis-

simis illis Gallicae eversionis martyribus beatorum caelitum hono-

r e s decrevimus, ad catholicos Mexicanos sponte cogitatio Nostra

provolabat, quibus id ipsum, atque illis, deliberatum proposi-

tumque esset, libidini scilicet ac dominatili alieno toleranter

refragari, ne ab unitate Ecclesiae atque Apostolicae Sedis aucto-

ritate desciscerent. O praeclaram divinae Christi Sponsae lau-

dem, cui nobilior generosiorque suboles, pro sanctissima fidei

libertate et propugnare et pati et mori parata, saeculorum de-

cursu nunquam desiderata est.

Tristia Mexicanae Ecclesiae ^.tempora, Venerabiles Fratres,

non est quare multo altius repetamus. Id unum commemorare

satis esto, recentiore aetate, motus., civiles, sane frequentes, ple-

rumque in religionis perturbationem eversionemque empisse^