466

MOTU PROPRIO

quo Pius PP. X favore Capituli Vaticani revocat prohibitionem ingrediendi Basili- cam S. Petri absque chorali habitu, adnexamque excommunicationem abrogat.

Decessor Noster fel. rec. Ioannes X X I , per Litteras : « Vi- neam Domini Sabaoth » praecepit Basilicae Vaticanae Canoni- cis, ut Basilicam eandem numquam ingrederetur, nisi chorali habitu induti. - Praeceptum illud confirmavit Nicolaus III, item Decessor Noster, Bulla « Civitatem sanctam Ierusalem ». Ro- mani vero Pontifices Eugenius IV, Litteris « Si universis » ; Ni- colaus V, Litteris: « Quanto prae ceteris »; et Paulus V, Litteris « Super Cathedram » idem praeceptum nedum confirmarunt, sed servandum insuper voluerunt sub excommunicationis poena a contrafacientibus ipso facto incurrenda.

Nos, cupientes eisdem dilectis filiis Canonicis Basilicae Sancti Petri et cetero clero, ibidem inservienti, benevolentiam Nostram testari, supradictum praeceptum non ingrediendi Basilicam ean- dem nisi chorali amictu, nec non latam in transgressores ex- communicationis poenam, tenore praesentium, revocamus, sup- primimus et abrogamus.

Monemus tamen ne quis unquam Chorum ingredi audeat sine chorali veste; simulque hortamur ut mature omnes in choro adsint, atque ita choralibus functionibus ab ipso initio interesse queant.

Libet porro occasione uti, ut eosdem dilectos filios Cano- nicos, Beneficiatus et Clericos omnes eiusdem Basilicae impense, si opus est, excitemus ad divinum Officium digne, attente ac devote recitandum, praecipue vero ad festinationem omnem cavendam, qua nihil attentioni ac devotioni infestius, nihil ma- gis audientium fidelium aedificationi contrarium.

Datum Romae apud Sanctum Petrum, die xxxi Ianuarii MCMIV, Pontificatus Nostri anno primo.

PIUS PP. X

PIUS PP. X