ORDINIS CISTERCIENSIS. 467

» 2°. In hoc casu officium defunctorum, quod ab Ordinis in-

cunabuli^ diebus ferialibus recitari solet, cessare debebit.

» 3°. In festis duplicibus, qualia fere sunt omnia, quae adiun-

genda erunt, Conventus tenetur ad duas Missas, unam Matuti-

nalem, alteram Maiorem, et hinc fiet ut disciplina et observantia

multum onerosior et gravior monachis sit futura, et tempus stu-

diis destinatum multum diminuendum.

» His rationibus innixus, supplicat Orator pro enunciata gratia.

RESCRIPTUM

Ex Audientia Sanctissimi

Die 1 Iunii 1854 .

« Sanctissimus attentis expositis, aliisque peculiaribus circum-

stantiis animum suum moventibus, ac referente me subscripto

Sacrorum Rituum Congregationis Secretario, de speciali gratia

benigne annuit, ut deinceps in recitatione horarum servetur mo-

dus hucusque servatus in adimplendo onere divini officii persol-

vendi, citra tamen eiusdem approbationem, donec vero finem

assequatur praesens Apostolica Ordinis Visitatio, qua expleta,

exhibeat integrum Kalendarium perpetuum, sancita super re a

sa. mem. Summis Pontificibus Alexandro VII. et Clemente IX,

Breviarium a cl . me. Cardinale Bona peractum, nec non quae

noviter in hac visitatione super iisdem sanciri contigerit, ac post-

modum per alterum Rescriptum providebitur. Contrariis non ob-

stantibus quibuscumque.»

Dom. Gigli S. R. C. Secretarius

Loco Sigilli.

Hoc Rescriptum , quod iudicium huius causae suspenderat,

occasionem novam dedit ut eiusmodi controversia fervesceret,

cum alii essent qui innovationes quaererent, alii qui illegitimum

putarent usum Breviarii et Kalendarii Cisterciensis; afii plurimi

e converso nihil esse innovandum et legitimam eam liturgiae

Gisterciensis partem sustinerent, quos inter non solum Cister-

cienses Praesules observantiae communis, sed praesertim Trap-

penses recensebantur.