ABBATIAE 467

raris verb. Beneficium art. 6 num. 7 M seqq.* Extrav. Exe- crabilis de Praeb.

Quapropter nihili facienda videntur fundationis verba, quae huiusmodi incompatibilitatem excludunt, quia licet fundatores clausulas et conditiones apponere possint iuri communi adver- santes, nequeunt tamen corruptelas inducere per appositionem conditionis, ad peccatum allicientis et iuri naturae contrariae.

Hisce utrinque perpensis, remissum fuit prudentiae EE. P P . decernere, quonam responso dirimenda essent

Dubia.

I. An abbatialis Dignitas s. Pauli incompatibilis censeri debeat €um duobus aliis beneficiis in casu.

Et quatenus affirmative I I . An incompatibilis pariter dicenda sit cum Canonicatu

vel Cappellania chorali, sub eodem tecto in casu.

RESOLUTIO. Sacra Cong. Concilii, re ponderata, sub die 20 Mar- tii 1880 respondere censui t :

Ad primum et secundum affirmative,

EX QUIBUS COLLIGES :

I. .Tridentinum, ad disciplinam ecclesiasticam restituendam^ statuisse Sess. 24 cap. 17, ut unum tantum beneficium eccle- siasticum singulis conferretur, praecipue si unum sufficiat ad honeste vitam sustendandam.

I I . Dispositionem conciliarem, qua beneficiorum pluralitas improbatur, comprehendere etiam beneficia iurispatronatus la i - corum, dummodo sint vera beneficia ecclesiastica; nec eorum- dem respectu cessant rationes iuris communis et Concilii eiusdem.

I I I . Neque tertium beneficium ecclesiasticum, absque spe- ciali indulto Apostolico, obtineri posse, etiamsi duo priora ad honestam obtinentis sustentationem haud sufficiant.

IV. In themate videri ambigi non posse, Dignitatem abba- tialem verum esse beneficium ecclesiasticum; quum omnibus re - quisitis praedita sit, et adhuc maneat in suo esse abbatiale.