4(58 Acta Apostolicae Sedis. - Commentarium Officiale.

posteriorum testimonio, ceteris paribus, est s tandum: non solum quia

numero plures, vel quia magis definitas et specificatas fecerunt depo¬

sitiones, sed maxime quia verisimiliora deponunt, cum id servatum esse

dicant quod est de iure. In concursu enim testium, ut notat Molines,

Decis. 991, tom. 4, « praef erendi sunt illi qui deponunt iuxta iuris

« dispositionem, ut millies dixit Rota in Decis. 1135, n. 4, coram Sera-

« phin. et coram Coccin. Decis. 2089, n. 20 et 21, et Decis. 48, n. 13,

« coram Bich., et Decis. 282, n. 12, part. 16 Recent., et in Marsicen. -

« Decimarum, 30 Iunii 1696 coram Muto ».

Procul omni dubio, igitur, dicendum est consuetudinem iuri com-

muni derogantem, qua fas non est rectoribus ecclesiarum non paro-

chialium missas adventicias canere, in civitate Segusina non vigere.

Quibus omnibus perpensis:

Christi nomine invocato, Nos infrascripti Auditores, pro tribunali

sedentes, et solum Deum prae oculis habentes, decernimus, declaramus

et definitive sententiamus, constare de iure sacerdotis Viglione, rectoris

ecclesiae a Suffragio, canendi missas adventicias etiam funeraticias

absque Praepositi licentia: seu proposito dubio respondemus, infir¬

mandam esse sententiam rotalem in casu: exinde sententiam appella-

tam infirmamus, et pro infirmata haberi decernimus et declaramus:

statuentes praeterea expensas iudiciales tum prioris tum praesentis

instantiae apud S. R. Rotam compensandas esse inter partes: expensas

vero primae instantiae apud Curiam Segusinam solvendas esse omnes

a Praeposito Antonio Tonda decernimus, prout statutum fuit a sen-

tentia eiusdem Curiae, quae ab H. S. O. nunc confirmatur.

Ita pronunciamus, mandantes Ordinariis locorum et ministris tri-

bunalium, ad quos spectat, ut exsecutioni mandent hanc nostram defi-

nitivam sententiam, et adversus reluctantes procedant ad normam

sacrorum canonum, et praesertim cap. 3, sess. 25, de reform. Conc. Tri-

dentini, iis adhibitis exsecutivis et coercitivis mediis, quae magis effi-

cacia et opportuna pro rerum adiunctis exstitura sint.

Romae, die 5 Martii 1910.

Ioannes Prior, Ponens.

L. X S. Aloisius Sincero.

Fridericus Cattani.

Sac. Tancredes Tani, Notarius.