468 ARETINA

tantum quoad honorificam cathedralis denominationem ac praerogativam dictae ecclesiae S. Mariae ac eius canonicis communicata, ut ex tenore eiusdem sententiae multipliciter ponderato interpretantur informante pro canonicis cathedra- lis. Nam huiusmodi interpretatio adversari prorsus videtur rationi et verbis, iustoque ac recto illius sensui. Rationi siquidem, quia certum est quod unio praedicta antiquitus facta fuit pro bono pacis, ut duo capitula in unum corpus vere et realiter redigerentur ad evitandas contentiones et scandala, quae ex eorum divisione pro veniebant..... Verbis autem, quia ut patet ex supra relatis, dicta unio revocatur ac restituitur in pristinam observantiam vere, realiter et cum effectu, non autem ad solam praetensam honorificen- tiam ac denominationem. Sensui demum sano ac recto; quia cum antiqua unio, cuius vigore antedictae duae ecclesiae in unam cathedralem, eorumque capitula in unum corpus vere et realiter redacta erant, ut ex illius lectura constat, fuerit per dictam sententiam ad pristinam observantiam revocata et restitutae censetur utique praefatae ecclesiae cum earum canonicis in eo ipso statu, loco et gradu integre reposita, in quo fuerunt productae ac unionis vigore constitutae (prae- terquam in solis actibus in eadem sententia exceptis), iuxta L. Quod si minor etc.... ita ut iura quaecumque ipsi ca- thedralis dignitati adnexa utriusque ecclesiae canonicis

tamquam unicum cathedrale capitulum .constituentibus pari- formiter sint communia et aequaliter competant, iuxta Gloss. in cap. Et temporis etc Illa vero, quae ad unumquodque corpus atque collegium a dignitate cathedralis abstractum spectant, peculiaria remaneant... Id enim non censetur ab- surdum in hac materia, in qua maxime attendi debet tenor unionis ac sententia et voluntas Summorum Pontificum illas approbantium et confirmantium. Bald. cons. 359 etc. »

Iamvero, concludit orator, cum ex his pateat non mi- nus quam nonaginta quinque annis ante Breve datum vel ipsos adversarios cathedralis denominationem ecclesiae S. Ma- riae Plebis ultro concedere, profecto non intelligitur quanam