468 EX SEGRETARIA BREVIUM

inde in Urbe Roma, utpote quae catholico orbi hoc etiam in genere exemplo deberet esse, propriam Academiam instituit, a S. Thoma Aquinate eam nuncupans, cui propositum esset explicare, tueri, propagare doctrinam, praesertim de philoso- phia, Angelici Doctoris. Academiam ipsam annuis reditibus, qui satis essent ad stabilitatem eius confirmandam, munificus au- xit. Eidem parem, quae ceteris vel Athenaeis vel Lyceis magnis attributa esset, attribuit facultatem promovendi ad doctoris in philosophia gradum suos alumnos, qui emenso studiorum cur- riculo laudabile scientiae specimen sollemni periculo dedissent. Denique anno MDCCGXCV, statuta, quae Academiae ad tempus praescripserat, temperando, certas ei leges (1), quas diutinum experimentum commodas fore suasisset, in perpetuum dixit.

(1) En Leges Academiae Romanae S. Thomae Aquinatis, iussu et auspiciis

Leonis XIII P. M. constitutae:

1. Academiae nomen erit : Academia Romana S. Thomae Aquinatis.

2. Huic propositum est explicare, tueri, propagare doctrinam, praesertim phi-

losophicam, Angelici Doctoris, omniaque accurate servare quae tradita sunt in lit-

teris Encyclicis, quarum initium: Aeterni Patris.

3. Officia Academiae praecipua haec erunt :

Studia viresque conferre cum aliis Academiis eiusdem instituti ad philoso-

phiam christianam iuxla mentem S. Thomae Aquinatis ubique instaurandam.

Operum et Ephemeridum illustriorum, et earum maxime quae de rebus phi-

losophicis pertractant, notitiam sibi comparare, ut quaenam sit ubique scientiarum

conditio dignoscatur.

Lucubraliones, ubi opus sit, et libros edere quibus vel gliscentes errores re-

citentur, vel philosophica doctrina illustretur et amplificetur.

Sedulam dare operam doctoribus informandis, scholasticae philosophiae tra-

dendae apprime idoneis.

4. Academia constabit Consilio Academiae regundae praeposito, Academicis,

et Alumnis.

5. Consilium Academiae Moderatorum coalescet ex Emo Cardinali Praeside et

tribus vel quatuor sociis, quorum unus erit a secretis. Moderatores de rebus Aca-

demiae acturi, conventum habebunt cum e re visum fuerit.

6. Academici a Consilio Moderatorum eligentur. Plures quam X X X numero

non erunt. Horum decem ex doctis viris in Urbe commorantibus, decem ex italica

regione, totidem ex nationibus exteris cooptabuntur. Consilio Academiae moderan-

dae omnes parebunl.

7. Conventus Academiae quintodecimo quoque die, duobus saltem e Modera-

torum Consilio adstantibus, habebuntur. Nemini ex Academicis Romae commoran-

tibus a conventu abesse fas erit, nisi venia a Consilio Moderatorum impetrata. Alu-

mnos aequum erit coetibus adesse. Aestivo tempore conventus vacabunt.

8. In his conventibus alter ex Academicis lucubrationem recitabit, quam, pro-

posito a Consilio Moderatorum argumento, confecerit.