ARETINA 469

ratione huiusmodi denominatio ibi attentata ac de recenti usurpata dici potuerit. Ne igitur sapientissimo Pontifici Be- nedicto XIV gravis iniuria inferatur, tenendum patrono vi- deretur obiectum Breve nonnisi per subreptionem atque obreptionem extortum fuisse, ac proinde ipsum Breve irri- tum ac nullum esse.

Verum dato etiam praefatum Breve nullo irritanti vitio laborare, nihil, si illum audiamus, adversarii proficerent. Inibi enim de nomine tantum agi contendit, idque deducit ex verbis : « attentatam, irritam, et nullam esse denomi- nationem concathedralis. » Hic autem controverti memorat non de nomine seu denominatione, sed de re, idest de com- munione iurium, honorum ac privilegiorum cathedralitatis.

Atque hic recolit patronus huiusmodi denominationem « capituli ecclesiae canonice et perpetuo unitae cathedrali » ipsum Benedictum XIV tribuisse ecclesiae S. Mariae Plebis in alio Brevi diei 14 Augusti 1750. Quin imo, pergit, cum olim et praesertim diebus 12 Maii et 14 Iunii anni 1748, capitulum S. Petri nomine collegiatae dumtaxat ecclesiam. Plebis appellasset, declarare subinde debuit, die 22 Augusti eiusdem anni, « appellationem seu denominationem collegia- tae irrepsisse per errorem et inad verteilter, et propterea velle haberi pro non expressa vel apposita; cum scilicet: sic denominari et appellari non debeat, sed appellari et de- nominari debeat ecclesia S. Mariae Plebis perpetuo canonice unita cathedrali Aretinae, prout appellatur et denominatur in actis curiae episcopalis. »

Praeterea in altero ex decretis in ipso Brevi praeinser- tis enuntiari adnotat : « Stante quod dictum capitulum S. Mariae fuerit unitum anno MCCL per Episcopum Are- tinum dicto capitulo cathedralis cum communicatione omnium honorum, privilegiorum et praerogativarum, » quae e dia- metro pugnant cum hodierno canonicorum S. Petri libello quo omnia iura et privilegia cathedralitatis Plebano capitu- lo denegantur.

Verumtamen et graviora perpendenda esse monet pa-