Acta Pii Pp. XI 471

plurima quotannis peregrinantium millia a Bayaria, Germania, Austria

aliisque regionibus ad Deiparam Virginem, prodigiosam loci patronam,

venerandam convenire solent, etsi bumile, perdifficile tamen erat et gravis-

simum, atque omnino singularem prudentiam, patientiam et caritatem

expostulabat. At frater Conradus per quadraginta et ultra annorum spa-

tium summopere aptum ad munus illud se ostendit, et in ipso obeundo

admirabili perfunctus est apostolatu exempli, docuitque quomodo humilis

etiam et modestissima vitae ratio egregie valeat ad excelsae virtutis adep-

tionem, si, Dei voluntate sibi unice proposita, suae quisque condicionis

munia perfecte servare nitatur. Semper ipse sibimetipsi constans, in labore

impiger, pauper ipse erga pauperes largus, in peregrinis excipiendis prom-

ptus, neminem dimittere solebat, nisi prius christianum solatium verbis

aptis attulisset, illis praecipue, quos divino quodam afflatu culpis conta-

minâtes, vel domesticis excruciatos calamitatibus esse cognoverat; materna

caritate recreabat famélicos, pueros, peregrinantes, egentes operarios et

alios ad portam petentes cibum et potum; nemini dans repulsam, omnibus

quavis causa ad coenobium accedentibus servire satagebat. Simplex insuper

in vivendo, parcus in cibis sumendis, taciturnus, et in loquendo prudentis-

simus, hilaris semper, pius, devotus et ferventissimus in precibus Deo

fundendis; erga moderatores suos obedientissimus, peculiari obsequio

sacerdotes prosequebatur. Sui Ordinis regulas adamussim observabat,

ita ut, licet plurimis officii sui occupationibus distentus, a communibus,

quos vocant, coenobii actibus, numquam abfuerit.

Amore, quo in saeculo vivens in sanctissimam Eucharistiam et Dei-

param Virginem flagrare consuevit, vehementius in religione aestuabat, et

peculiari affectu Iesu Christi Crucifixi Passionem excolebat; quod quidem

plane deprehenditur ex his verbis, in quadam ad sororem epistula conscrip-

tis: Satis est oculos in Crucem convertere, ut omnia mihi prospere eveniant,

atque ex hoc responso, cuidam fratri infirmis addicto, quondam dato, qui

ipsum intuitus frigore rigentem, eum invitavit, ut se prope focum calefa-

ceret: En, inquit Dei Servus, focus meus, et digito Crucifixi imaginem a

pariete pendentem ostendit. Item exclamare saepe solebat: Pati est diligere;

diligere autem est vivere. Nihil ergo est mirum quod frater Conradus, Christi

Domini cruciatus continuo prae oculis habens, non laborem tantum et

difficultates suo muneri inhaerentes, simultates, iniustitias et offensiones,

verum etiam dolores physieos, quibus ob non bonam valetudinem, qua a

primo usque tempore initae religiosae vitae laborabat, obnoxius fuit, patien-

tissime toleravit.

Omnes christianas virtutes, ita Dei Servus excoluit ut ab usque primis

sui officii annis maximam omnium sibi admirationem conciliaverit et