EX ACTIS OECUMENICI VATICANI CONCILII

Post ea quae retulimus de actis Vaticani Concilii usque ad Decretum diei 20 Februarii 1870, publicatum in Congregatione Generali die 22 Februarii, siluerunt Congregationes Generales usque ad diem 18 Martii 1870. Sed interim inter Patres consul- tationes privataque studia habita sunt, atque de schemate De Ecclesia Christi iam distributo illico ob novam scribendi metho- dum in dicto Decreto enunciatam dubium quoddam exortum fuit quoad determinatum tempus, quod sequenti documento fuit solutum.

M O N I T U M

« Quoniam dubitatio exorta fuit, an Observationes intra de- cem dies scripto tradendae super primis decem Capitibus Sche- matis Constitutionis dogmaticae, De Ecclesia Christi, etiam com- prehendere debeant 13 priores Canones de Ecclesia Christi, quae dictorum decem Capitum complementum efficiunt, idcirco ex pressis verbis declaratur. Observationes intra hos decem dies, quorum ultimus erit dies quartus Martii, scripto tradendas, non solum decem prima Capita, sed etiam Canones, qui ad eandem doctrinam pertinent (scilicet Can. 143 inclusive), complecti debere.

« E Secretaria Concilii Vaticani die 23 Februarii 1870 ».

IOSEPHUS E P . S. HIPPOLYTI

Secretar. Concilii.

Quum iamdiu ab initio oecumenici Vaticani Concilii pluri- morum vota ederentur, ut hac in synodo catholica doctrina defi- niretur sancireturque de Romani Pontificis infallibilitate quam semper tenuit atque tenet catholica Ecclesia ; quumque petitiones plurimae admotae fuerint sive per fideles sive per ipsos Concilii Patres quamquam paulisper difformes essent, immo et nonnullae