EX SECRETARÍA BREVIUM 471

Heic referre iuvat Breve Institutionis Academiae Romanae a S. Thoma Aquinate.

LEO PP. XIII

Ad perpetuam rei memoriam.

Quod iam inde ab initio Nostri Pontificatus Nos a scientia rerum graviarum exorsi multis quidem modis neque semel si- gnificavimus, summa esse contentione enitendum ut Philosophiae et Theologiae studia ad pristinam Sancti Thomae Aquinatis ra- tionem, quae scholastica dicitur, revocaretur, illiusque disciplina fidei veritati administra et comes instauraretur, id munere con- cessuque Dei in omnibus fere catholicis Athenaeis constitutum esse merito laetamur. Desideriis enim votisque Nostris plene obsequuti sunt catholici viri, nominatim Religionis Antistites, qui summo animi ardore opem, quam quisque poterat, aucto- ritatem, consilium, rem contulerunt in propagandam provehen- damque optimam hanc eruditionis disciplinam, ita ut ipsi de iuventute egregie meruerint, et Religionis Patriaeque bono ac decori prospexerint, Nostram etiam benevolentiam et gratiam inierint, praemia expectantes a Deo, cuius causa laborem atque operam susceperunt. Nemo certe est qui non videat, qui non plane sentiat, tot praesertim irrepentibus in mentes hominum praeposterarum doctrinarum erroribus, ac tam demutatis cor- ruptisque populorum moribus, consilii praeceptique Nostri op- portunitatem atque utilitatem. Probant sane hoc consilium tum instituta Philosophiae et Theologiae varia nomine, paria disci- plina, quae perbrevi annorum spatio ubique gentium efflorue- runt, tum alumnorum, qui ea celebrant, numerus et studium, tunc denique is ipse, qui consecutus est, exitus, nimirum fru- ctus laeti atque uberes, qui ex eiusmodi institutionibus quotidie in vinea Domini demetuntur. In praeceptis enim institutisque summi scholasticorum magistri ita elucet sapientia ut cum splen- dore virtutis mirifice coniungatur : sic ii, qui illis student, aeque scientiam condiscunt ac virtutem, alteram ex libris Sancti Tho- mae, alteram ab exemplis: doctor enim Angelicus, qui cogno- minis mensuram implevit, quae praecepta tradidit sapientiae, ea confirmavit exemplo. Quare non mirum est si ille habitus sit a maioribus meridiani instar solis, qui orbem terrarum ca- lore virtutum fovit et lumine doctrinae complevit. Sed quum