47â Acta Apostolicae Sedis - Commentarium Officiale

lus a Curte extolli tuto posset. Quare in generalibus comitiis coram Nobis,

die prima mensis Aprilis huius eiusdem anni, Sacrorum Bituum Congrega-

tionis Patres Cardinales et Consultores unanimi suffragio tuto procedi posse

responderunt. Attamen Nos sententiam Nostram proferre distulimus, atque,

ut in re tanti ponderis auxilium superni luminis impetraretur, omnes ad-

stantes hortati sumus. Insequenti autem die sexta Aprilis, Dominica Pas-

sionis, sacra Hostia in domestico sacello pientissimi litata, nobiliorem aulam

ingressi sumus ac pontificio solio assidentes Nos ipsi, adstantibus praefatis

Cardinalibus "Vincentio Vannutelli, Causae Relatore, et Camillo Laurenti,

Sacrorum Bituum Congregationi Praeposito, et dilectis filiis Alfonso Carinci,

eiusdem Congregationis a secretis, et Carolo Salotti, S. Fidei Promotore

generali solemniter pronunciavimus: « Tuto procedi posse ad solemnem

Beati Theophih a Curte Canonizationem », et hoc etiam decretum in vulgus

edi, atque in Sacrae Rituum Congregationis tabularium referri iussimus.

His itaque peractis, Praedecessorum Nostrorum vestigiis inhaerentes, die

vigesimatertia Aprilis venerabiles fratres S. R. E. Cardinales apud Nos in

Consistorium secretum convocavimus, in quo dilectus filius Noster Camillus

Cardinalis Laurenti, Sacrae Rituum Congregationis Praefectus, Beati Theo-

phih a Curte vitam, virtutes et miracula singillatim exposuit, necnon

acta universa recensuit quae in Causa eius Beatificationis et Canoniza-

tionis Sacra Rituum Congregatio, praevio rigoroso examine, admiserat

et adprobaverat. Qua relatione expleta, Nos singulorum Cardinalium

suffragia exquisivimus: « an scilicet ad solemnem praefati Beati Cano-

nizationem deveniendum esset »; ac suam iidem Cardinales sententiam

aperuerunt. Consistorio secreto f elici successu peracto, continenter habitum

est Consistorium publicum, in quo dilectus filius Vincentius Sacconi,

Nostrae Consistorialis Aulae Advocatus, de Beato Theophilo orationem

habuit ac, pro eius solemni Canonizatione de more institit. Curavimus

interea ut venerabiles fratres Patriarchae, Archiepiscopi et Episcopi

de tanta solemnitate per Litteras ad hoc datas admonerentur, ut, si

facultas esset, sententiam et ipsi prolaturi, Nobis adstarent. Quorum

cum plures in Urbem convenissent, die vicesima secunda superioris mensis

Maii in Consistorio, quod semipublicum nuncupatur j re bene cognita ex

commentariis de eiusdem Beati vita, virtutibus et miraculis actisque omni-

bus quae supra memoravimus Sacrorum Rituum Congregationis, tempestive

unicuique datis, S .R .E . Cardinalium sententiae de Beati Theophih memoria

summis Caelitum honoribus consecranda et ipsi plaudentes accesserunt: in

quam quidem sententiam et Nos ipsos discedere perlibenter ediximus;

simulque in Petriani templi maiestate sacra huiusmodi solemnia peragere

statuimus die hac vicesima nona Iunii, qua eadem die Beatos quoque