472 Allocutio

huius Apostolicae Sedis suam dignitatem tuebantur, et cum

gloria florebant.

Nunc autem, Venerabiles Fratres, explentes ea quae ab

Apostolico Nostro Ministerio ad solandum Chaldaicae Eccle-

siae luctum postulantur, Vobis commemoramus, Ecclesiam

illam suo Patriarcha, elapso anno, fuisse viduatam ob interitum

Venerabilis Fratris Iosephi Audo, qui a sanctae memoriae

Decessore Nostro Pio IX, in Consistorio habito die 11 septem-

bris anno 1848 in ea dignitate confirmatus, et ad eam cano-

nice fuerat institutus. Hic Antistes, quem eximius pietatis et

religionis sensus ornabat, aliquamdiu tamen extremis vitae suae

annis, malorum consiliorum aestu abreptus, fidelis obsequii erga

hanc Apostolicam Sedem immemor fuit ; sed Apostolica Aucto-

ritate monitus, ita ad officium rediit, ut debitam obedientiam

Romano Pontifici praestans, eius causa magnas a dissidentibus

suae nationis molestias christiana constantia pertulerit, et

appropinquante vitae exitu supremam vocem, testem doloris

quo veniam erroris sui deprecabatur, testem devotae suae volun-

tatis, devinctique animi huic Petri Cathedrae et Christi Vicario,

cum magna suorum omnium aedificatione reliquerit. Eo extin-

cto, Chaldaici ritus Antistites in Synodalem Conventum in

Coenobio a B. Maria Virgine nuncupato, apud Alkosh cano

nice coïere, et consuetis caeremoniis servatis, Venerabilem

Fratrem Petrum Eliam Abolionan Episcopum Gezirensem, die

26 iulii anno proxime elapso Patriarcham Babylonensem Chal-

daeorum suis suffragiis elegerunt seu postularunt. De hac

electione litteras accepimus, quas tum suffragatores Episcopi,

tum Patriarcha electus cum professione obsequii sui erga hanc

Apostolicam Romanam Ecclesiam ad Nos dederunt, postu-

lantes ut electionem confirmare, et sacri pallii honorem electo

tribuere, Apostolica Nostra Auctoritate vellemus. Spes est

Nobis, Venerabiles Fratres, praedictum Venerabilem Fratrem

Eliam cogitantem tanto magis nos obnoxios fieri, quanto effu-

siori gratia contingerit honor ari, nihil habiturum antiquius,

quam ut in eo gradu, quem obtinuit, omnes boni Pastoris