472 CEPHALUDEN.

poena perversitatis illius, qui per fraudem rescriptum im- petrat, est quod ex litteris nullum commodum consequi de- beat, et penitus carere debeat impetratis ad tradita Cap. Super litteris de Rescriptis. Quibus concinit Reiffenstuel Tom., i tit. 3 §. VIII num. 176, aiens: « Si iura alle- gata de Rescriptis iustitiae loquuntur, fortius data conclusio procedit in rescriptis gratiae et ad beneficia, quia subreptio facilius vitiat literas gratiosas. >

Ad secundum dubium gradum faciens orator, compertum evadere subdit, sustinendam esse collationem ab Episcopo peractam. Etenim cum paroeciae vacatio contigerit mense Octobris Episcopo reservato, et cum dispensationem a con- cursu revocandam esse hic mandaverit, res in integrum plene restituta erat, adeoque ipse, in conferenda paroecia, suo iure usum fuisse. Quod autem provisi personam spectat, cum nulla infectus sit labe, scientia, bonisque moribus praeditus et animarum curam apprime callens, uti plura testantur mo- numenta , in possessione tuendus videtur, praesertim cum paroeciam non privilegio aliquo, sed suo labore assecutus sit, scilicet examine cum laude ad tramites Concilii Triden- tini peracto.

Nec ad infirmandam collationem asserere iuvat benefi- cium paroeciale Pontifici affectum evasisse, ex eo quod ipse manus apposuit. Etenim certum in iure est, affectionem pen- dere ex validitate causae : ita ut si causa in qua fundatur affectio corruat, et hanc corruere necesse sit. Ad rem Ri- ganti Rom. 1 in Ruhr. Reg. 1 ad I. num. 98 « affectio pendet ex validitate gratiae, et validitas a iustificatione cau- sae, quia Papa limitate manus apponit e causa narratorum: et ideo si narrata non sunt vera, Papa non intendit prae- iudicare ordinariis collatoribus. » Et Rota coram Buratto Decis. 78: « sicuti quando causa est falsa circa pertinen- tiam collationis vel circa vacationem non resultat affectio; ita nec etiam resultat quando adest falsitas causae. » Cum autem Pontifex ex falsis narratis ab Episcopo inductum fuerit ad apponendam manum in collatione paroeciae, sequitur quod