472 ALBINGANENSIS

luta est et suum cum Francisco matrimonium antecedit. Ex hoc ergo capite nullum fuit.

Maior certissima est apud Doctores omnes ex cap. Quod sedem 2, cíe frig. et male f. in fine, ubi dicitur: qui im- potentes sunt, minime apti ad contrahendum, matrimonium reputantur. Et hoc eo vel maxime si impotentia sit ante- cedens et perpetua, ut habetur in cap. Ex litteris III, eius- dem tit. ubi legitur : Quod si tibi constiterit quod illud vi- tium a natura contraxerit, nec ope medicorum poterit iuvari, viro aliam accipiendi liberam tribuas facultatem. Et ratio est, quia in matrimonio, ut inquit sanctus Thomas, est con- tractus quidam, quo unus alteri obligatur ad debitum car- nale solvendum: unde sicut in aliis contractibus non est conveniens obligatio si aliquis se obliget ad hoc quod non potest dare vel facere, ita non est conveniens matrimonii contractus si fat ab aliquo, qui debitum carnale solvere non possit; Supplem. p. 3, q. L VIII, art. 1 ad R. Neque opponendum quod carnalis copula de matrimonii essentia ex sensu Ecclesiae non sit, nam, ut idem Angelicus Magister pergit, quamvis actus carnalis copulae non sit de essentia matrimonii, tamen potentia ad actum est de eius essentia, quia per matrimonium datur utrique coniugum potestas in corpus alterius respectu carnalis copulae, ibid. ad 1. Quae quidem auctoritates in eo fundantur quod dicitur Genes. II, v. 24 : Relinquet homo patrem suum et matrem suam, et adhaerebit uxori suae et erunt duo in carne una : quae verba Christus referens ita concludit : ergo non sunt duo sed una caro (Matth. XIX, v. 6) . Atqui una caro coniuges revera non fiunt nisi per carnalem commixtionem, ad quam necessarium est posse in contrahentibus idipsum spondenti- bus, nam impossibilem nulla est obligatio 1. Impossibilia 185, ff. de R. I. et Reg. VI in VI Decret. Igitur quoties eiusmodi commixtionis potentia deest, una caro fieri nequeunt contrahentes : atque ideo nullus eorum contractus existiman- dus. Unde theologorum aeque ac iuristarum communissima sententia est, impotentiam perpetuam sive absolutam sive re-