474 Acta Apostolicae Sedis - Commentarium Officiale

Prima sanatio Mariam, Martini et Mariae Zech filiam, respicit. Cum

illa anno millesimo nongentesimo undetrigesimo, aetatis suae vigesimo

secundo, Martio mense exeunte, in silva prope Badernam in Vindelicis,

suum nativum oppidum, una cum parentibus ad pinorum truncos iam-

pridem exsectos in plaustrum congerendos operam daret, truncus quinque

fere metra longus in eius dexteram manum incidens, eam violento gemi-

noque ictu percussit. Manus ipsa magis in horas intumescebat et acérrimos

puellae afferebat dolores. Per quatuor fere menses frustra a medicis curata

est; immo phlogosis brachium totum invaserai; digiti manus torpere

coeperunt et febris iam alta quotidie aderat, ita ut in Vmcentinum Augu-

stae nosocomium aegrotam recipi necesse fuerit. Ibi, curationibus non

obstantibus, Augusto mense dolores in laevum quoque genu descendunt;,

cumque infirma gradiendi impos evasisset, in lectulo iacere usque ad kalen-

das Octobres iussa est. Mox crus totum gypseis fasciolis cingitur, et Decem-

bri mense magnum ligneumque fulcrum cruri aptatur. Post haec chirur-

gica opera intercurrunt tum appendicis tum tonsillarum, quae Maria eodem

mense subiit.

In vigilia Nativitatis Domini, facultate a medicis obtenta, domum

rediit ut ibi ad duas hebdomadas maneret. H o c vero tempore accidit ut

quadam die in dexterum latus ipsa caderet infirmamque manum et bra-

chium solo illideret. Cum igitur in nosocomium aegrota rediisset, medici

curantes morbum non parum increvisse invenerint et de brachii amputa-

tione loqui coeperunt. Quod quidem omnino necessarium duxerunt, cum

in aegrotum brachium rursus infirma collapsa esset, phlogosis quam maxime

adaucta, et gangrenae discrimen undique immineret; ad diem autem

quartamdecimam Augusti mensis actio haec chirurgica indicta fuit.

Aegrota vero brachii amputationem vehementer pertimescens, de piis-

simae matronae consilio, sacras no vendíales preces ad Beatum Conradum

a Parzham, tota in eius opem ad. sanationem obtinendam confisa, inchoavit

et reliquiam in gypseum brachiale induxit. Quo novenario durante, cru-

ciatus augentur et morbus in pessum crescit; at ultimo die, ad tertiam

decimam nempe Augusti mensis, aegrota circa horam quartam et semis

expergefacta, se prorsus sanam sensit, adeo ut e lecto surgens se lavare

ac detergere, se comeré, manu quidem dextera, valeret atque, cruribus a

fulcris liberatus, expedite ambulare absque ullo vel minimo dolore, in ora-

torium laeta descendere, Sacro interesse ac demum in cubiculum reverti,

comedere et bibere suaviter, quod iamdudum experta non erat. Circa

meridiem etiam chirurgus arcessitus Mariam plene sanatam invenit; et

radiographicae imagines perfectam sanationem confirmant.

Prodigiosa altera sanatio Oenipontana in urbe contigit. Augusta Schein-