474 Neapolitana seu Pinnen.

Eiusmodi causa pauperrimi adolescentis, in sumptibus haud parvis, quos perlongus harum causarum ritus necessario exigit, oblationibus fidelium, ut alibi dixi, progreditur; quae oblationes huc usque satis fuerunt, ut causa ad gradum quem expositurus sum pervenerit. 1

Itaque post causae Introductionem apud acta Apostolicae Sedis admissam, ex processu auctoritate tantum episcopali con- fecto, qua introductione a Romano Pontifice adprobata, Servi Dei eo ipso Venerabiles appellantur et Ecclesiae universae uti Venerabiles proponuntur; Sancta Sedes totam causam sibi assumit, atque eam, instante eiusdem causae Postulatore, per- tractare incipit.

Committit videlicet per suas litteras, quas remissoriales appellant, quosdam processiculos, primo super non cultu, ut constet observata esse Decreta Urbani VIII, quae prohibent quominus aliquis Servus Dei publico ecclesiastico cultu colatur uti Beatus aut Sanctus, antequam S. Sedes iudicium proferat. Item alios processus super scriptis eiusdem Venerabilis Servi Dei, ne videlicet aliquid in progressu causae consurgat, quod eidem impedimento sit, ne progrediatur. Quae de Venerabili Nuntio expleta sunt. 2

Instante iam nunc causae Postulatore, ut novae litterae remissoriales expedirentur ad conspuendum Apostolicum pro-

1 Hac occasione invitamus iterum Lectores nostros ad concurrendum aliquo modo per aliquam oblationem pecuniariam ad huius Venerabilis adolescentis causam promovendam. Audivi enim ab eis, qui charitatis zelo eiusmodi causam Romae promovent, non deesse nova et praeclara argu- menta praesertim gratias et prodigia per Ven. Servum Dei patrata, ita ut causa ea celeritate qua ad praesentem gradum pervenit, procedere posset, si haberentur novae fidelium oblationes ad acta prosequenda. Qui autem velint sua ope in hanc causam concurrere epistolam dirigant sic inscri- ptam: Rev. D. Ioanni Can. Ponzi. Almo Collegio Capranica, Roma. Per eum enim, qui oblationes pro hac causa colligit, notitias, vitam, imagines Ven. S. Dei et reliquias habere possunt. Vel etiam dirigant epistolas Postu- latori causae Rev. D. Iosepho Can. Coselli ad idem Capranicense Colle- gium.

2 Introductionem causae exposuimus in Vol. V, p. 487 et seqq. ibique adiecimus Decretum de non cultu: Decretum vero alterum super Scriptis habes in Vol. VI, p. 366 et seq.