474 ALBINGANENSIS

decisio reperitur, quia numquam Anna se ingessit : nec se- ptem igitur, nec quinque requiri testimonia peritorum, sed duorum tantum sufficere vel trium, iuxta illud in ore duo- rum vel trium testium stat omne verbum, dicendum est.

Praeterea in themate est ipsa mulier, quae suam fatetur impotentiam, ex depositione doctoris Fontana, qui nonnisi ab ipsa rogatus primo corpus eius inspexit; atqui doctoris Fontana, qui in prima inspectione facta, putavit obstaculum removeri posse artis suae remediis, et operatione peracta affirmat contrarium, nec novam sine vitae periculo incisio- nem fieri posse autumat. Id porro demonstrat plenissime, eo vel maxime si conferatur cum depositione doctoris Moraglia, obstaculum ad coeundum Annam a natura contraxisse, si ope medicorum non potest iuvari uti concludendum ex capp. Ex Litteris 3, et Fraternitatis 6 de Frig. et Malef.

Sed rem ultro conficit Franciscus, coniux Annae in sua depositione coram Iudice Ecclesiastico sub fide iurisiurandi facta, qua firmavit matrimonium consummatum non fuisse.

Nec sane falsitatis incusanda est haec viri depositio. Septimae namque manus propinquorum testes omnes conve- niunt quoad honestatem Francisci quem periurii incapacem, in re adeo momentosa pernoscunt : neque simultatis in uxo- rem suspicandus, quum iidem testes una voce confirment nimio semper amore Annam prosequutum fuisse, neque ab illa seiungi umquam postulasset, nisi de eiusdem impotentia certior fuisse effectus ; quod certe conficit longum cohabita- tionis tempus etiam post cognitam ex Medici fide perpetuam putatae uxoris impotentiam. Immo nisi res ita pervulgata fuisset in universum Terrae Liguris populum nec forsan ad- huc nullitatis matrimonii causam intentasset.

Equidem, ait Consultor, non agitur hic de vasis a l t i - tudine, sed de eiusdem obliteratione, quae nec chirurgica potuit operatione auferri. Quod si peritorum iudicio, inquit Schmalzgrueber, habeantur indicia et signa impotentiae, omnino certa et evidentia physice v. g. quod mas virilibus vel utroque teste careat, aut femina propter nimiam arcti-