Acta Pii Pp. XI 475

die, Iosephi et Annae Eichler filia, primo vere anni millesimi nongentesimi

duodetrigesimi, octo et decem annos nata, pituitario morbo non levi cor-

repta est, qui vulgo influentia vocatur. In nosocomium, cui Kettenbrücke

nomen, missa, ibi usque ad fere totum Augustum mensem moram duxit.

Cum vero paulum convaluisset, domum rediit; ibique graves hemophtises

passa est, et certa in ea pulmonaris tuberculosis signa a curantibus medicis

reperta sunt. Quamobrem, infirmitate ingravescente, Iunio mense exeunte

anni millesimi nongentesimi trigesimi, puella nosocomium Eochzirl ingressa,

in quo tres fere menses commorata, cunctis frustra adhibitis medicamentis,

denuo in Kettenbrücke nosocomium mittitur; ubi tamen tubercularis morbus

peius in dies corruit.

Cum igitur-spes omnis recuperandae salutis per humanas artes undique

dilapsa fuisset, Beati Conradi a Parzham patrocinium enixe invocare suasa

est; ac proinde in eius honorem novendiales preces tum ab aegrota tum

ab eius parentibus fervide peractae sunt et Beati reliquiae infirmae allatae,

quas illa nunquam a suo latere disiunxit. In hoc sacri novenarii cursu nova

sanationis lux affulgere visa est ob superadditi morbi renalis solutionem;

sed postridie tubercularis aegritudinis vices in peius ruebant, spes vero

et fiducia, patris potissimum, per miraculum sanationem obtinendi in dies

augebat. Die autem vigesima septima Novembris mensis, Missarum solem-

niis interesse voluit in nosocomii sacello, quo fuit in grabato advecta;

Missae Sacrificio inchoato, Augusta cunctos a se dolores recessisse, conse-

crationis vero tempore perfectam valetudinem recuperasse illico animad-

vertit; Sacram Synaxim recepit; post Missam e lectica exsurgens huc illuc

discurrere coepit, adstantibus omnibus stupore affectis plenae valetudinis

signa ostendit. Medicus ipse nosocomio praefectus paulo post puellam

inspexit, 1 quam sanatam primus recognovit, atque tertia post prodighimi

die amplissimum de hac re testimonium scriptum edere non dubitavit.

De utraque itaque sanatione in episcopalibus Curiis Augustana et

Oenipontana peractis apostolica auctoritate inquisitionibus, tres magnae

notae periti a Sacra Bituum Congregatione adlecti, omnibus singulatim

et una simul stricte perpensis, absque ulía haesitatione suum ediderant

iudicium tum de morborum, quibus Maria Zech et Augusta Scheidle labo-

rabant, gravitate et insanabilitate, saltem in instanti, tum de subita per-

fectaque sanatione ad Beati Conradi invocationem praeter naturae leges

obtenta. Districta itaque ad iuris tramitem in triplici iudicii sede discepta-

tione praehabita, Nos tandem, divini consilii lumine implorato, die quarta

et vicesima praeteriti mensis Februarii rite decrevimus: Constare de duobus

miraculis a Deo per Beati Conradi a Parzham intercessionem patratis, nempe,

de instantánea perfectaque sanatione tum Mariae Zech ab osteoarthritetubercu-