Acta Pii Pp. XII 475

Ecclesias suffraganeas constituimus Ecclesiae Glasguensi, in metropo-

litanam alteris Nostri Litteris Dominici gregis hac ipsa die datis evectae,

atque propterea Episcopos Matrisfontis et Posletanos metropolitico Ar-

chiepiscopi Glasguensis iuri subiicimus. Quum vero praesentis temporis

adiuncta haud permittant quominus in novis his dioecesibus Cathedrale

Canonicorum Capitulum modo constituatur, indulgemus ut interim pro

Canonicis in utraque dioecesi Consultores dioecesani ad iuris tramitem

eligantur et adhibeantur. Quod autem attinet ad dioecesium Matris-

fontis et Pasletanae regimen et administrationem, ad Seminarii institu-

tionem, ad Vicarii Capitularis seu Administratoris, sede vacante, ele-

ctionem, ad clericorum et fidelium iura et onera aliaque id genus, ser-

vanda iubemus quae de his rebus sacri canones praescribunt. Quod vero

ad clerum peculiariter spectat, decernimus ut simul ac novarum harum

dioecesium erectio ad effectum deducta fuerit, eo ipso clerici Ecclesiae

illi censeantur adscripti in cuius territorio legitime degunt. Mandamus

denique ut omnia documenta et acta, quae Candidae Casae seu Gallovi-

diensem et novas dioeceses respiciunt, ab archidioecesis Glaguensis can-

cellaria, curiis tradantur dioecesium illarum ut in suo quaeque archivo

diligenter serventur. Ad quae omnia ut supra disposita et constituta

exsecutioni mandanda venerabilem quem supra diximus Fratrem Guliel-

mum Godfrey, Delegatum Apostolicum in Britannia, deputamus, eique

idcirco omnia tribuimus ad id necessarias et opportunas facultates, etiam

subdelegandi ad effectum de quo agitur quemlibet virum in ecclesiastica

dignitate constitutum, facto eidem onere authenticum peractae exse-

cutionis actorum exemplar ad S. Congregationem Consistorialem quam-

primum transmittendi. Praesentes autem Litteras et in eis contenta

quaecumque, etiam ex eo quod quilibet quorum intersit vel qui sua

interesse praesumant, etiam si specifica et individua mentione digni

sint, auditi non fuerint vel praemissis non consenserint, nullo unquam

tempore de subreptionis vel obreptionis aut nullitatis vitio, seu inten-

tionis Nostrae, vel quolibet alio, licet substantiali et inexcogitato, de-

fectu notari, impugnari vel in controversiam vocari posse, sed eas, tam-

quam ex certa scientia ac potestatis plenitudine factas et emanatas, per-

petuo validas exsistere et fore suosque plenarios et integros effectus

sortiri et obtinere atque ab omnibus ad quos spectat inviolabiliter obser-

vari debere ; et, si secus super his a quocumque, quavis auctoritate scien-

ter vel ignoranter contigerit attentari, irritum prorsus et inane esse et

fore volumus ac decernimus ; non obstantibus, quatenus opus sit, regulis

iñ synodalibus, provincialibus, generalibus universalibusque Consiliis

editis, generalibus vel specialibus constitutionibus et ordinationibus