CAUSA

MEDIOLANEN.

ONERIS MISSARUM QUOAD APPLICATIONEM

Species facti

Die 21 Novembris 1903.

Supremo quo decessit testamento diei 11 Octobris 1847

Aloysius Bonsignori duo beneficia coadiutorialia seu cappel-

lanias instituit cum onere coadiuvandi parochum in paroeciis

Busti Arsitii et Oairati, easque dotavit pro quarta parte suo-

rum bonorum, ita tamen ut ea in quinque partes divisa, tres

partes in favorem beneficii in paroecia Busti Arsitii erigendi,

reliquae duae partes in alterius beneficii favorem cederent.

Onera vero utriusque beneficii verbis ipsius fundatoris ita

imponuntur: « Onera quae impono sunt quae in subsidium

curae animarum celebrandi missam festis diebus cum de prae-

cepto tum de consuetudine in commodum fidelium nec non

celebrandi missam ad meam intentionem prima et postrema

die feriali cuiusque hebdomadae. Ceterae omnes liberae appli-

cationis sunt. Item utrique beneficiato pro singulo impono

obligationem annuatim elargiendi, tantam partem ex reditu

a me relicto quanta respondet libellis mediolanensibus 150,

in eleemosynam infirmorum Busti et Cairati.

Defuncto testatore, omnia solemnia cum circa constitu-

tionem dotis, tum circa canonicam erectionem cappella-

niarum die 5 Augusti 1854 expleta sunt. Decretum autem

erectionis beneficii Cairatensis haec habet : I o . « Statuimus

« iuxta piam et declaratam testatoris mentem onera bene-

« fìcii sic erecti esse exercitium curae animarum admini-

« strandique sacramenta etiam infirmis in universa paroe-

« cia Cairati, praedicandi, doctrinamque christianam expli-

« candi ad mentem parochi ; 2°. celebrandi et applicandi ad