421. De sancta Scholastica.
Ad Vesperas.

1. Christe, redemptor omnium,
Exaudi preces supplicum,
Quos redemisti sanguine,
Nullo deseras tempore.

2. Laudes, tibi quas canimus,
Suscipe grates, rex pius,
Nos Scholasticae jugibus
Tu fove sanctis precibus.

3. Quae dante tua gratia
Te colens super omnia,
Dudum tu ejus lacrimis
Imbrem dedisti ex superis.

4. Scholastica, virgo Dei,
Decus sanctarum virginum,
Sprevit cuncta saeculi
Sequendo Christum Dominum,

5. Conemur totis viribus,
Jungamus preces precibus,
Ut Scholasticae meritis
Coeli fruamur gaudiis.

6. Laus, honor, virtus, gloria,
Regnum, perpes victoria
Sit patri cum filio
Flamini se continuo.