4-78 ORDINIS CISTERCIENSIS.

Eo vel magis, quod posteriora adessent Decreta, quae priora

confirmaverint, et in suo robore servari mandaverint.

Ad haec facile reducuntur animadversiones Consultorum, qui

adversus amplissimam consuetudinem in eo Ordine vigentem

scripserunt quoad usum Breviarii Yaussiniani.

EA QUAE ANIMADVERSA SUNT CIRCA ALTERAM QUAESTIONEM. - Ad- versus consuetudinem in Ordine Cisterciensi vigentem, qua di-

citur Cistercienses non adiungere nova officia etsi universo Orbi

praecepta nisi in casu quo vel Generale Capitulum ea adiungenda

esse rnandet vel S. Sedes explicite in generalibus Decretis com-

prehendat Cistercienses: haec inter caetera sunt animadversa: Ante

Concilium Trid. et Constitutionem S. Pii V. potuisse Ordinarios

adiungere nonnullas festivitates et peculiaria officia in suo k a -

lendario: Cistercienses hanc facultatem reservasse Capitulo Gene-

rali ad maiorem ritus conformitatem. Namque celebre apud eos

est quoddam praecipuum et vetustum documentum a S. Sede pro- batum quod Charta Charitatis appellatur; in quo haec fuerunt

statuta: « Et quia omnes monachos ipsorum ad nos venientes in

» claustro nostro recipimus et ipsi similiter nostros in claustris

» suis, ideo nobis opportunum videtur, et hoc etiam volumus, ut

» mores et cantum et libros omnes ac horas diurnas et noctur-

» nas et ad omnes Missas necessarios, secundum normam morum

» et librorum novi monasterii (idest Cistercii) possideant, qua-

» tenus in actibus nostris nulla sit discordia, sed una charitate,

» una regula, similibusque vivamus moribus. »

Verum quod attinet ad Decreta Generalia S. Sedis praescri-

benda divina officia et festivitates animadversum e s t , Cister-

cienses carere fere omnibus dictis officiis quae duobus ferme

abhinc saeculis praescripta essent: cumque autem ipsi innite-

rentur antiquis privilegiis, unus ex Consultoribus ostendere stu-

duit his privilegiis antiquitus eosdem caruisse. Praecipuum autem

argumentum quod afferre potui t , fuit epistola Alexandri IV.

quam refert Martene, Thesaurus Anectodorum t. 1 volum. 1063

anno 1255, quam integram heic damus.

« Alexander Episcopus Servus Servorum Dei dilecto filio Ab-

» bati Cistercii ac generali Capitulo Cisterciensis Ordinis salu-

» tem et Apostolicam Benedictionem.

» Licet Apostolica Sedes per iustum et meritorium iudicium