478 ARETINA

ut haec exceptio locum habeat oportet praesertim eamdem causam agi.

Iamvero in rotali iudicio duo disputata fuisse recolit: primum utrum unio vigeret nec ne, et Capitulo Plebis pro- desset : alterum, in quibus prodesset. Ita in prima decisione 2 Iunii 1645 cor. Ghislerio « A qua sententia cum fuerit interposita appellatio et causa mihi commissa , sub die 18 Maii 1642 proposui dubium - An supradicta unio suffragetur et in quibus . » Definitum autem fuisse enarrat unionem non ad omnia cathedralitatis iura capitulo S. Mariae Plebis suffragari, sed in quibusdam tantummodo casibus peculiari mentione expressis. Sane adurget orator, primae actionis sen- tentiae plures huiusmodi casus admiserat, ut patet ex de- cisione 2 Iunii 1645; verum postea, die nempe 8 Martii 1652, ex decem casibus primitus admissis, ceteris reiectis, quinque tantum excepit. In secunda enim decisione « electio subcol- lectoris spoliorum revisio computorum facienda eidem sub- collectori... deputatio seu electio universalis canonicorum per episcopum facienda pro visitatione Dioecesis locorumque piorum, examine ordinandorum et approbatione ad benefi- cia » Plebano Capitulo haud assignata fuerunt. Ast in cau- sa quae modo coram S. C. C. agitur, numquam cathedra- le capitulum unionem oppugnasse affirmat, neque tantum, ut ex ipso canonicorum S. Petri libello patet, de aliquibus, sed de universo cathedralitatis iure disputatur. Cum igitur iuxta patronum, non una eademque sit causa, frustra rei- iudicatae exceptio ex rotalibus decisionibus desumeretur.

Verumtamen, animadvertit, quidquid sit de veteris iudi- cii finibus, in rotalibus decisionibus verba interdum occur- rere, quae ad plenum ius cathedralitatis et ecclesiarum con- iunctionem in unum corpus referuntur. Attamen asserit, in S. Auditorio ad damna praecavenda, quae ex inconsultis animadversionibus in decisionibus occurrere poterant, usita- tam semper distinctionem fuisse inter ea quae substantiam causae respicerent, et ea quae incidenter praeter iudicii ter- minos elaberentur, ita ut illa tantum attendi deberent, haec