478 EX S. G. CONCILII

Hucusque dicta maius pondus obtinent ex eo quod ob- ligatio applicandi missam pro populo est onus personale parochorum ceu deprehenditur ex Conc. Trid. sess. 23, cap. 1 de Ref or. Cappellani autem, quocumque'titulo cen- seantur, suppetias parochis ferentes non teneantur ad mis- sae applicationem pro populo, cui titulares per se satisfacere debent, uti docet Lucidi de Vis. SS. LL. Vol. 1, pag. 427, n. 360.

Secundo cappellanus deducit se non teneri ad applica- tionem missae diebus festis sed tantum ad celebrationem ex declaratione Curiae Mediolanensis facta die 22 Ian. 1895: haec enim primo est conformior tabulis testamentariis, quae ut superius visum est imponunt diebus festis tantum onus celebrationis missarum in commodum populi : neque secun- do videtur discrepare a decreto erectionis , quia expressio decreti « Onus celebrandi et applicandi ad mentem insti- « tutoris in ecclesia paroeciali missam omnibus diebus fe- « stis tam de praecepto quam de consuetudine in paroecia « et insuper primo et ultimo die feriali uniuscuiusque heb- « domadae », ita explicari potest ut onus simplicis celebra- tionis ad dies festos, onus vero applicationis ad dies feriales referatur quod plene responderet legi fundationis ; et hoc iure merito praesumi debet quia Ordinarii sunt quidem executores nati piarum voluntatum, sed eas immutare nequeunt.

Cum autem huic ultimo principio postrema declara- tio Curiae Mediolanensis anni 1902, quae novum onus imponere vellet cappellano nempe obligationem applicandi diebus festis ad mentem fundatoris, directe sese opponat, admitti nullatenus debet sed potius standum est declarationi an. 1895.

Tandem cappellanus profert instrumentum immissionis in possessionem temporalem bonorum cappellaniae datae a suboeconomo in quo haec leguntur: « Onera beneficii: pro an- nuis missis in bonum animae defuncti Bonsignori libellae 154. Beneficiatus ad missam celebrandam Cairate tenetur diebus festis cum de praecepto tum de consuetudine locali.