Ex S. C. Consistoriali 4 7 9

gini ab Horto nuncupatae sacra. Ut quaedam de templi huius historia commemoremus, eius initia ad exitum saeculi deci- miquinti sunt referenda, ad annum nempe MCCCCXCIII , quo, exitiali morbo Clavarium depopulante, pia quaedam Clava- rensis femina, quae in tam ingenti discrimine B. Virginis opem enixe imploraverat, eius imaginem in cuiusdam horti pariete iuxta publicam viam pingendam curavit. Pia fidelium erga huiusmodi imaginem religio, anno praesertim MDXXVIII singulari quadam ratione emicuit. Cum enim eo anno lues iterum per urbem grassaretur, id factum est, ut Clavarensis populus ad Deiparae de Horto simulacrum certatim accur- reret, atque, altari eidem dicato, benignissimae Matris patro- cinium vehementi pietatis ardore imploraret. Tunc autem fideles beneficiorum fama permoti, quae a Deo, B. Virginis de Horto deprecatione, accepta referebantur, quotidie fre- quentiores ad eam pie devoteque accederent, sacellum in eius honorem conditum est, quod brevi, novis additis moH- tionibus, in satis amplum templum crevit. Praecantium votis praesens adfuit Regina caelestis, adeo ut, percrebrescente in dies Deiparae de Horto gloria, eam anno MDCXLV urbis Cla- varii praesides ac finitimorum pagorum magistratus, cunctis plaudentibus, in caelestem civitatis ac totius Clavarensis re- gionis Praestitem delegerint, atque Vaticanum Capitulum sacram Imaginem aurea corona donandam decreverit.

Recentiori aetate Deiparae de Horto templum , novis extructis operibus, ex integro fere renovatum est, ita sane ut molis magnitudine atque ornatus magnificentia praecipuis Italiae templis in Dei Genitricis honorem dicatis merito com- parari queat. Inter perspicui nominis opifices, qui in sacra aede suis laboribus nobilitanda certarunt, digni sane qui me- morentur sunt Baratta et Pucci, quorum alter presbyterii et absidis cameras, alter vero eas, quae a latere sunt cella- rum pinxit. Frons quoque templi ab imis fundamentis resti- tuta est, eidemque aedi sacrae felici molitione advecta, ex