480 EX ACTIS

Quod autem singulare hac in Sessione, cui ut splendida esset omnia externa et interna confluxerunt, fuit publicandi ratio, quae in anteactis sessionibus nec locum habere poterat (1). Namque Epi- scopus Fabrianensis iuxta morem recipiens a SS.mo Patre Decre- tum publicandum quod Secretarius Concilii eidem SS.mo obtulerat, ambonem conscendens elata voce illud pronunciavit incipiens a ver- bis Pius Episcopus cum iis quae sequuntur usque ad ultimum verbum: dum Decretum legebatur Patres plures prae manibusge- stabant eiusdem Decreti exemplar quod simul percurrebant oculis. Lectione completa haec verba idem Episcopus subiunxit: « Reve- « rendissimi Patres, placentne Vobis Decreta et Canones qui in « hac Constitutione cont inentur»? Hisce prolatis verbis ex am- bone discessit, quem statim conscendit Concilii Sub-Secretarius Praesul Iacobini qui omnium Patrum catalogum prae oculis habens ab E.mis Cardinalibus incipi is unum post alium nominatim omnes appellavit: id est Cardinales cum suo nomine ac titulo; reliquos omnes nomine omisso, quorum unusquisque sua vice respondit, placet : tum illico aula resonavit duplici voce, altera alteri succe- dente, quae placet repetebat.

Namque tum prope Pontificis solium, tum prope synodalis aulae ianuam, quae ex adverso est solio Pontificis aderant qui hoc fungerentur officio repetendi elata voce verbum placet aut non placet quod singuli Patres pronunciarent ; vel si Patres appellati deessent clamare deberent, abest, accedente auxilio Adsignatorum Locorum.

Quare in longa Patrum recensione continuo aula alacriter re- sonavit repetitis utrimque verbis placet, placet, vel, quando con- tingeret, abest, abest.

Interim in statutis sedibus Praesules Scrutatores, Protonotarii Apostolici, atque ii, qui, auxilio hisce sunt, suffragia singula ad- notabant.

(1) Nolumus heic omittere quandam circumstantiolam a nonnullis animad- versam, qui ad stabant in Tribuna Pro- curatoribus Episcoporum absentium destinata. Initio hymni Veni Creator Spiritus, in ingenti Templi fornice (italice Cupola) solis radius et unicus

qui conspiceretur fenestram pertran- siens oblique descendit usque ad ia- nuam aulae synodalis : eodem hymno durante paullatim declinabat, atque intersecans fere nomen Ecclesiam sub eodem fornice inscriptum, cessante hymno recessit.