48Ö BERGOMEN'.

luniatis tabulis disposuerit circa praefati aeris alieni solu- tionem. Hinc etiam exurgere affirmavit praesumptionem iuris et de iure, quod Episcopus Speranza egerit pro suo munere iuxta dispositionem Concilii Trid. Cap. 7 Sess. 21 De re- format, proindeque sicuti onus iniunctum rei transit in quemcumque successorem; Surdi cons. 211 num. 15, ita onera iniuncta 'dignitati ac officiis pariter in successorem transeunt ex ipsa iuris ac de iure praesumptione.

Neque adnotare omittit orator, canonicum Foresti hae- redem universalem non esse, sed solum legatarium pro parte illorum bonorum, quae Episcopus Speranza obtinuit uti per- sona ecclesiastica.

Porro notissimum esse dicit legatarium non teneri ad persolvenda debita, quae haereditatem gravant, Voet lib. 30, 31, 32 tit. unie, de leg. et f d. num. 15: et vigens co- dex etiam art. 977 prius exigit ut excutiantur haeredes, qui in casu sunt nepotes defuncti Episcopi Speranza, et inde solum concedit contra legatarios regressum.

Post haec ad secundum caput suae orationis deveniens patronus sententiam Curiae bergomensis evertere studet. Ac praeprimis adnotat male egisse curiam intimando canonico Foresti sequestrationem 28,000 libellarum ante causae co- gnitionem, sententiamque proinde irritam esse: siquidem iu- dicium incipere non potest ab executione I. un. Quoties Cod. De prohib. sequestr. Idque fortius quia in casu nulla suberat causa ob quam sequestratio locum habere posset.

Reiiciendam etiam esse sententiam affirmavit, utpote latam a iudice suspecto. Neminem sane latet sententiam tangere debuisse Episcopum; cum itaque ipsa lata fuerit a Vicario generali, qui unam personam constituit hac in re cum Epi- scopo ex Cap. Non putamus 2 de Consuet. in 6; Cap. Romana 3 de Appell, in 6; Benedict. XIV de Synodo dioec. lib. 2 cap. 8 num. 2; merito hunc quoque recusari potuisse orator tradit, ceu docent Ioan. Card. Antonell. De regim. ecclesiae lib. 5 cap. 10 num. 7, Ricci praxis aur. for. eccl. p. 2 resol. 203.