480 ARETINA

siquidem concessio honoris insignium nullum argumentum suppeditare potest. Eo vel magis quia in ipsis concessionis litteris, uti superius relatum est et distinctio inter cathe- dralem et collegiatam aperte enuntiatur, et Plebani ipsi canonici paulo post declaraverunt « che nella enunciativa dell' emanato Breve per tale indulto non hanno che oppor- re , . . . . ma contentarsi di quanto hanno presentemente e che possedono ».

Nec regerere valeret, si patronum audiamus, ecclesiam S. Mariae Plebis utique cathedralem non esse, attamen omnibus cathedralitatis iuribus pollere. Equidem, uti ex par- tium libellis atque ex dubio eruitur, in hodierna quaestione iura cathedralitatis sibi vindicat S. Mariae Plebis capitulum quae obtinere non posset nisi cathedralis vel concathedralis existat. Ceterum, animadvertit, paritatem inter utrumque Capitulum excludi ex ipso decreto unionis, in quo Plebanis canonicis iungitur t subsint praeposito Aretino et obedien- tiam et reverentiam praestent et faciant eidem debitam et devotam... ita ut sit unum caput in ipsa ecclesia, » nec non ex eo quod cathedralis canonicis permittitur, quod « apud dictam Plebem residentiam faciant quando et sicut eis pla- cuerit, et viderint expedire, » quod vicissim adversariis haud concessum reperitur. Praeterea in Constitutione Clemen- tis VIII non alternativa sed primatus capituli cathedralis in procedendo mandatur; atque huiusmodi primatum in re- liquis ex Episcoporum visitationibus, nec non ex quadam transactione quoad spoliorum Praesulis Salviati perceptionem abunde erui existimat. Inter haec praesertim commemoran- dae veniunt Litterae Apostolicae Alexandri VI, in quibus praeposito et canonicis ecclesiae cathedralis vestes diversae ab illis, quibus etiam Plebani canonici utebantur, concessae fuerunt, ideo ut distinctio inter maiorem ecclesiam et infe- riores adesset.

Demum patronus obiectioni occurrens quae post haec de unionis inutilitate proponi posset, tuetur in casu capitulum ecclesiae S. Mariae Plebis alteri capitulo cathedralis aeque