480

V A R S A V I E N .

MATRIMONII

Die 10 Septembris 1898. Sess. 24, cap. 5, de ref. matr.

COMPENDIUM FACTI . Carolus vir catholicus, aetate an- norum 25, artem pharmaceuticam exercens die IO Februa- rii 1877, legitima forma, uxorem duxit Mariam acatholi- cam, puellam 19 annos tunc natam , sed infausto omine ; nam quamvis vita communis quadriennium perduravit, ta- men, uti asseritur, matrimonium inconsummatum perman- sit. Sed cum mulier de die in diem hanc ob rem valetu- dinem amitteret, domum matris petiit ibique commorata est non amplius reversura. Tunc vero, nempe die 11 Apri- lis 1887 Archiepiscopale Varsaviense Consistorium adiit postulans ut suum matrimonium contractum cum Carolo nullum declararetur ob viri impotentiam.

Curia archiepiscopalis rite processum instituit et habita iurata depositione coniugum, roborata depositione testium ex utraque parte septimae manus, nec non inspectione tum viri tum mulieris, quum in certo posita fuerit inconsummatio matrimonii; quamvis vir suam negaret impotentiam, ma- trimonium nullum declaravit ex capite impotentiae ex parte viri eique absolute prohibuit transitum ad novas nuptias contrahendas. Quae quidem sententia, in secunda instantia rata habita et confirmata fuit a Iudice apostolico delegato Lublinensi die 25 Februarii (7 Martii) 1883.

At vir sententiam ei interdicentem nuptias aegre ferens, omnem operam impendit ut male affecto corpori medicamenta adhiberet; idcirco post aliquot annos supplici libello hanc S. Congregationem rogavit, ut ab Ecclesiae vetito dispen- santur et quatuor medicales attestationes sibi favorabiles protulit, ad suam maritalem potentiam adstruendam.

EX S. CONGREGATIONE CONCILII