48o Ex S. C. Consistoriali

Clavarensium voto, quod anno MDCCCXXXV B. Mariae Virginis ope a pestifera lue servati essent incolumes ; frons eadem clarissimi Poletti architecti romani opus, bis centum et am- plius libellarum millibus in id a Clavarensi populo collatis. Templi huius splendori ac magnificentiae aliud etiam aetate hac nostra feliciter accessit, ex quo eiusdem nobilitas ac di- gnitas quam maxime aucta est Siquidem anno MDCCCXCII B. Mariae Virginis de Horto templum per litteras Apostolicas tertio nonas Decembris datas, quarum initium Romani Pon- tifices in Cathedrale noviter erectae dioecesis Clavarensis a Leone f. r. PP. XIII constitutum est.

Neque aetatum decursu Clavarensium civium aliarumque finitimarum civitatum fidelium spectata erga Deiparam de Horto religio deferbuit, quod vel ex eo maxime elucet, quod in sacra ipsa aede quinquaginta fere fidelium millia quotannis ad Sacram Synaxim accedant, et quinque fere Missarum millia in ea celebrentur. Templa insuper non pauca in eius- dem Deiparae de Horto honorem tum in pluribus Italiae civitatibus, tum in America Meridionali, Sanctimonialium opera, quae filiarum B. Mariae Virginis de Horto titulo glo- riantur, tum demum in Palaestina erecta sunt.

Cum itaque R. P. D. Fortunatus Vinelli Clavarensis Epi- scopus occasionem nactus quod proxime quinquagesima anni- versaria dies feliciter redit, ex quo Immaculata Dei Genitricis Conceptio sollemniter declarata est, iis, quae supra relata sunt, expositis, suo et Cathedralis Capituli nomine, SSmo D. N. Pio PP. X humiles admoverit preces, ut in memoriam faustissimi eventus, quo universus christianus orbis laetatur, memoratam aedem B. Mariae Virgini de Horto sacram ad Cathedralis templi dignitatem a f. r. Praedecessore evectam, Basilicae minoris titulo condecorare vellet, idem SSmus Do- minus Noster, me referente infrascripto Sacrae Congrega- tionis negociis consistorialibus expediendis praepositae Sub- stituto, rebus omnibus matura deliberatione perpensis, attentis