ARETINA 481

Acta, Tom. XXIV. fase. CCLXXXIV. 31

principaliter fuisse unitum, cuius unionis effectus est, ut duo unita corpora in omnibus ut ante distincta maneant, sed uni capiti subiiciantur, ut docent De Luca De praeem. disc. 29 n. 29, De parochis disc. 35 n. 5. Barbosa Iur. Eccl. Univ. lib. 3 cap. 16 n. 21 Francés De eccl. Cath. cap. 6 n. 134. Hanc autem praecise fuisse mentem Gul- ielmi Episcopi eruit patronus ex eo, quod Plebis capitulum cathedralis praeposito subesse iusserit. Ceterum iuxta ea quae habet SS. R R . C. decretum, unio etiam suffragari observat quoad honorum communionem quoties coniunctim procedant, ast minime in iis negociis quae ad privativam cathedralita- tem pertinent, sive ad iurisdictionem capituli cathedralis.

Praesertim vero relate ad electionem vicarii capitularis, sede vacante, quam plebanum Capitulum sibi etiam nunc vindicat, adnotandum ducit, agi de actu iurisdictionis, qui absque cathedralitate exerceri nequit, uti ostendere satagit auctoritate Card. De Luca in Adnot. ad S. C. T. disc. 31, n. 1 seq. nec non Leuren, in Foro Benef. t. III. tract, de cap. sed. vae. c. 1 q. 455. Enarrat autem cohaerenter ad haec, vacante sede aretina, iurisdictionem semper nomine capituli cathedralis fuisse exercitam, velut innumera docu- menta et ipsa sigilla quibus Curia et Vicarius capitularis utitur absque exceptione demonstrant. Tametsi observat, cum voluntas ad incognita et eo minus ad ea quae non sunt ferri nequeat, haud tueri potest Guilelmum Episcopum im- plicita voluntate Plebano Capitulo contulisse ius, quod ante Tridentinum non aderat. Iure enim antiquo iurisdictio, de- functo Episcopo, per canonicos in communi gerebatur, et propius ad casum, antiqua monumenta docent, « quod cum moritur Episcopus Aretinus, remanent vicarii in spirituali- bus praepositus, archidiaconus et primicerius >. Neque Ro- tam, ait, conferre potuisse capitulo S. Mariae Plebis partem iurisdictionis, de qua et sententia cardinalium Medices et Salviati omnino silet, eo quod S. Auditorium unum poterat, voluit ac dixit, expendere scilicet, in quibus unio suffraga- n t u r . Praeterea monet orator, Breve Benedicti XIV , nisi