482 BERGOMEN.

D u b i u m

An sententia Curiae episcopalis bergomensis sit con- firmanda vel infirmanda in casu.

RESOLUTIO. Sacra Concilii Cong. re disceptata sub die 5 De- cembris 1885, censuit respondere: Debita esse solvenda ad- hibitis mediis, quibus usus est ultimus Episcopus, aliis- que de quibus disponere potest Episcopus modernus; et ad mentem.

Ex QUIBUS COLLIGES : I. Successorem in beneficio teneri ad solutionem debitorum pro Ecclesiae utilitate contractu- ram ab antecessore; eoquod beneficiârius pro tempore nil aliud sit quam administrator ecclesiae sibi concreditae.

II. Episcopatum esse verum beneficium erui ex quam- plurimis doctoribus et ex ipsa S. C. Congregatione.

III. Agentem pro suo munere in bonum et utilitatem societatis, cui praeest, non teneri ad impensas de proprio, sed teneri ipsam societatem.

IV. Agentem nomine universitatis, assimilari procuratori misso a quadam persona ad sua propria negotia tractanda.

V. Administratores conveniri non posse proprio nomine de iis quae administratorio vel procuratorio nomine egerint; eoquod ex facto administratoris obligatus tantum maneat principalis, perinde ac si negotium ipsemet tractasset.

VI. Episcopus in themate quum in bonum Dioecesis sibi concreditae egerit, templum extruendo ut inibi nova paroe- cia erigeretur, hinc aes alienum nondum, tempore mortis, dimissum, dimitti debere a successore; quia obligatio an- tecessoris Episcopi, qua talis, transit in successorem.