482 PARISIEN.

Atqui, qui rus pergit recreationis gratia aut ad rusticana peragenda negotia non acquirit ibi sive domicilium sive quasi- domicilium. Non domicilium; nam iuxta Emum d'Annibale Sum. t. 1 n. 82 « domicilium est locus perpetuae habita- tionis. Itaque domicilium eo loco quis habere dicitur ubi la- rem perpetuum, rerumque ac fortunarum suarum summam constituit. » L. 20 Ad municip. L. 7, C. De incoi. Et ideo ad verum domicilium acquirendum « non sufficit si eo loco domum tantum aut praedia quis comparaverit, ex L. 4 eod. vel tabernam conduxerit, ex L. 19 § 2 De iudic; eoque minus, si ibi versetur studiorum, ex L. 2 eod. aut colendi ruris causa ex L. 27 ad municip. et cap. 2 De sepult, in VI. » Unde a pari non sufficit ad domicilium acquirendum, si quis ruri versetur recreationis gratia, aut pro rusticanis negotiis.

At imo ne ad quasi domicilium quidem. Etenim ad quasi domicilium ad effectum matrimonii alicubi contrahendi non quaelibet habitatio sufficit, sed ea dumtaxat quam comitetur animus eamdem continuandi per maiorem anni partem, idest ultra semestre. Hoc nedum sustinet Emus Tarquini et Emus D. Annibale loc. cit., sed definitum prorsus est ex nuperri- mis decretis S. C. S. Officii diei 7 Iunii 1867, 2 Maii 1877 et 6 Maii 1886, reiecta doctrina illorum qui non recte in- terpretantes doctrinam Benedicti XIV in epistola ad Arch. Goanum, tenent ad quasi domicilium sufficere unius mensis habitationem.

Porro qui rus pergit recreationis gratia aut ad rusticana negotia « probatum est non solere esse ruri pro maiore parte anni, neque etiam pro dimidia, sed tantum per tres aut quatuor menses » ceu observat Emus Tarquini I. c. cum Sánchez De matr. disp. 23 I. 3 n. 12 ei S. Rota ibidem. Ideoque in hoc casu quasi-domicilium non acquiritur. Imo prorsus excludi videtur.

« Ita sane ad rem Santi lib. 4 tit. 3 num. 75: Intentio eruitur ex fine commorationis; si enim finis est precarius, qui nempe indeterminatam importet moram, quaeque esse