4-82 EX S. G. DE PROPAGANDA FIDE

SS. Trinitatis, opportune exhibito supplici libello, postulavit ut, in praedicto territorio nova Praefectura Apostolica constituta, ea alumnis sui Ordinis evangelizanda concederetur. De qua petitione, cum in Generalibus huius Sacrae Congregationis Co- mitiis, habitis die 18 vertentis mensis, mature pertractatum fuerit, placuit Emis Patribus votis hisce fieri satis. Quamobrem vo- luerunt ut erigeretur Praefectura Apostolica cui nomen erit de Benadir, cuius confinia haec essent : nempe, ad meridiem, ab ostio fluminis Djuba usque ad iurisdictionem Vicariatus Apo- stolici inter populos Galla, limes possessionum italicarum et anglicarum, a quo limite missio separaretur a Vicariatu Ap. Zanguebariae Septentrionalis; ad orientem, Oceanus Indicus £ praedicto ostio fluminis Djuba usque ad Promontorium Guar- dami; ad septentrionem, mare sinus Adensis a supramemorato Promontorio usque ad limitem Somaliae anglicae : ac dein hic ipse limes usque ad Vicariatum regionum Galla; ad occidentem, haec postrema ecclesiastica iurisdictio. Insuper voluerunt Emi Patres ut nova haec Praefectura Ap. de Benadir alumnis Or- dinis SS. Trinitatis excalceatis committeretur, qui eam evange- lizaret ac spiritualibus eiusdem necessitatibus providerent. Quam Emorum Patrum sententiam SSmo D. N. Pio Div. Prov. PP. X in audientia diei 19 huius mensis per infrascriptum hu- ius S. Congregationis Secretarium relatam, Sanctitas Sua in omnibus ratam habuit ac confirmavit, praesensque ad id con- fici Decretum iussit.

Datum Romae ex aedibus S. Congregationis de Propaganda Fide, die 21 Ianuarii 1904.

Fr. H. M. GOTTI, Praefectus.

ALOISIUS VECCIA, Secretarius.