PARISIEN. 483

forum illud existere ; unde a pronuntianda sententia sese abstinendum duxit, interim acta ad Congregationem Supre- mam transmittens.

Haec vero ad S. C. C. processus acta mittere sategit quae, postea sub die 8 Maii 1901, praevio actorum exa- mine , suppletorias requisivit informationes ac investiga- tiones.

Ex his erui videtur, utriusque sponsi Parochos nullam dedisse Londinensi parocho delegationem, imo, ut ait Pari- siensis Iudex, nec dari ab his potuisse, cum « per modum legis dioecesanae, Parisiis quidem et in multis Galliarum dioecesibus habetur prohibitio ne Parochi delegationem ul- lam concedant, inconsulto Ordinario, ad matrimonia con- trahenda in exteris regionibus ». Ex utriusque autem dioe- cesis Parisiensis et Burdigalensis curia, de tali data dele- gatione vestigium non reperiri, edocent acta: licet contra evidentiam actorum ab utroque Parocho datam fuisse, con- tendat vir.

Sac. autem Skrimshire, Parochus Ecclesiae « Corporis Christi », qui coniugum matrimonio adstitit, quique mini- sterio valedicens, in quoddam monasterium se recepit, rite interrogari non potuit ob eius irreperibile domicilium : « quare ut ait Parisiensis Iudex, nulla alia via patuit eiusdem te- stimonium colligendi nisi ipsi, mediante amico, communi- care scripturas et quaestiones, quibus ille propria manu re - spondit ».

Disceptatio Synoptica.

V OTUM C ANONISTAE. Martha dioecesis Parisiensis die de- cima Augusti anni millesimi octingentesimi nonagesimi ma- trimonium contraxit cum Henrico, Londini in Ecclesia*Cor- poris Christi. Coniugalem vitam per annum duxerunt, et filiam ex suo coniugio susceperunt. At post annum, sive propter asperiorem agendi modum Henrici cum sua coniuge, sive propter prodigalitatem, qua triginta millia francorum uxoris suae adeo brevi tempore dilapidaverat, uxor virum