481. De sancta Ursula.
Ad Vesperas.

1. Gaude, turba candidata
Venustarum virginum,

Quae cum lampade parata
Sponsum Christum Dominum

Praevenisti purpurata
Rubra veste sanguinum.

2. Occidentis novae stellae
Rutilant in partibus,
Velut plantulae novellae
Fecundatae fructibus,
Carne fragiles puellae,
Canae tamen sensibus.

3. Has collectas illustravit
Luna splendens Ursula,

Quas in sacra confirmavit
Christiana regula,

Cum his Romae visitavit
Sacra loca singula.

4. Romae sanctis visitatis
Certae de oraculo
Pergunt navibus levatis

Dei gubernaculo,
Se Coloniae contatis
Sistunt voto sedulo.

5. Christi hostes et sanctorum
Barbari cum furia
Prodeuntes sacrum chorum

Harum cum immania
Mactant caede gladiorum,
Validum victoria.
6. Cum sponsari reservata
Ductrix duci respuit,
Est sagitta proforata,
Orans sic occubuit,
Sociabus sociata
Lauream obtinuit.

7. Turba undecim millena,

Servos tuos visita,
In acerba mortis poena

Nostra mala merita
Tegens impetra de vena

Flaminis gratuita.
8. Sit potenti, sapienti

Clementique gloria,
Uni trino permanenti

Decus et victoria,
Qui nos regat in praesenti

Per haec transitoria.