484 Codex Iuris Canonici

attentare praesumpserit, indignationem omnipotentis Dei, et beatorum Petri et Pauli Apostolorum eius se noverit incursurum.

Datum Romae apud Sanctum Petrum anno Incarnationis Dominicae mil- lesimo nongentesimo quarto, die vigesima quinta Decembris, Christo Iesu in terris nascenti sacra, Pontificatus Nostri anno secundo.

PIVS PP. X

DOCUM. IL

Constitutio Pii PP . X « Commissum Nobis », 20 Ianuarii 1 9 0 4 .

Commissum Nobis, Deo sic disponente, universae Ecclesiae regendae mu- nus serio admonet ut pro viribus caveamus, ne ex alienae potestatis incursu ea libertas quidquam detrimenti capiat, qua Christus in commune bonum ipsam donavit, quamque tot evangelii praecones, tot sanctissimi antistites, tot illustres Decessores Nostri verbo, scriptis, effuso etiam sanguine propugna- runt. Quorum exemplis et auctoritate permoti, ubi primum hanc Petri Cathe- dram; licet impares, ascendimus, Apostolici officii Nostri esse duximus in id maxime incumbere, ut vita Ecclesiae libere omnino explicetur, omni externo interventu remoto, prout ipsam evolvi divinus Institutor voluit, atque excelsa eius missio omnino requirit.

Iam, si qua est in Ecclesiae vita functio quae huiusmodi libertatem po- stulet maxime, illa profecto censenda talis, quae in Romani Pontificis1 electione versatur; siquidem salus, non unius membri, sed totius corporis agitur, cum de capite consulitur 1.

Huic plenae libertati in Summo Pastore eligendo opponitur in primis civile illud Veto, a supremis nonnullarum civitatum rectoribus haud semel prolatum, quo tentatur aditum ad Supremum Pontificatum alicui praecludere. Id si aliquoties accidit, Apostolicae tamen Sedi probatum est nunquam. Quin etiam Romani Pontifices, in iis quae de habendo Conclavi constituerunt, nihil paene maiore contentione studiove conati sunt, quam ut externae cuiusvis potestatis interventum a sacro Cardinalium Senatu ad Pontificem eligendum vocato propulsèrent. Rem plane declarant Constitutiones « In eligendis » Pii IV; - « Aeterni Patris » Gregorii XV; - « Apostolatus officium » Clemen- tis XII; in primisque Pii IX, « In hac sublimi » - « Licet per Apostolicas » et « Consulturi ».

Verum, quandoquidem et experientia docuerit, hactenus constituta ad impediendum civile Veto, seu Exclusivam non ita votis respondisse, et ob mu- tata temporum adiuncta huiusmodi civilis potestatis immixtio nostra aetate multo videatur magis omni rationis et aequitatis fundamento destituta, idcirco Nos, pro Apostolico Nobis commisso munere, et Praedecessorum Nostrorum vestigiis inhaerentes, re mature deliberata, certa scientia et proprio motu. •civile Veto, sive Exclusivam, quam dicunt, etiam sub forma simplicis desi- derii, itemque omnes interventus, intercessiones quaslibet omnino reprobamus, «dicentes licere nemini, ne supremis quidem civitatum moderatoribus, quovis

1 Greg. XV Const. «Aeterno Patris» in prooem.