484 LITTERAE

Aquinatem praeponis, qui Soli haud immerito comparatus, princi- pem in erroribus conterendis locum sibi vindicavit. - Qua potitus victoria, ut Apostoli usurpemus verba, Tu, Maxime Leo, librum aperis illum, quem Ecclesiae osores perpetuo obsignatum aeternae- que traditum oblivioni existimabant; Tu sapientiam, quam dicti- tabant emortuam, ad vitam revocas, et societatem vanis philoso- phorum placitis senescentem reddis iuventuti; Tu sacros ignes abhinc tribus saeculis delitescentes sublevas, eximiasque Urbani V et Be- nedicti XI I I hac in re laudes supergressus, illud aere perennius exigis monumentum, quod vel unum nomini tuo immortalitatem valeat comparare.-Initum a Te consilium maximo amore prosecuti, quotquot heic scientiarum cultorum gerimus vicem, ne nobis ingrati animi nota inureretur, facere non poteramus, quin peregrinatione suspecta, ac auspicatissima die Tuis advolveremur pedibus, quosque pectore fovemus sensus, coram profiteremur. - Haud tamen nostrum ducimus Angelici Doctoris sapientiam, Tuaque, Beatissime Pater, egregia in humanam societatem merita laudibus efferre. Impares siquidem tanto evaderemus officio ac supervacaneam. in illis cele- brandis operam poneremus, quae ubique gentium clarissima eo co- gitationum verborumque assensu extolluntur, qui adversariorum quoque animis admirationem sui vel ciere vel extorquere potuerit. - Illud potius nos deceat, toti rei christianae gratulari, Tibique, Pater sanctissime, pro collato in hominum genus beneficio immor- tales agere grates; illa nobis accedat laus, Petro per Te falli ne- scium loquenti indivulse adhaerere; una nobis, monente Hieronymo sententia, eum, qui Tecum non colligit, dispergere; haec fidei vox ac rationis, a Tuis monitis vel minimum recedentes, a Deo scientiarum Domino recedere. Iter a Te signatum ingressi, Thomae doctrinam ambagibus, nebulis, deliramentis expertem sectabimur; magistros alios qui scholas scindunt non novimus; alia systemata, ad reli- gionem sartam tectamque servandam erroresque hac nostra aetate gliscentes acriter perstringendus vel inepta vel perniciosa, reiici- mus. Si adversariorum prae se vexillum tulit: Tolle Thomam; quod pandimus, signum inscribit: Thomae et Leoni ingenia dedicavimus. His instructi armis, duce Aquinate, veluti militum acies, maiore nisu eonfertissiinos hostes strenue impetere, nullamque conabimur inclamare societati in supremum iam discrimen adductae esse sa- lutem, nisi doctrina a Romano Pontifice adserta scholis redonaretur. Quod ut satius assequamur nihil nobis magis optandum, Beatissime Pater, quam exemplis insistere a Te exhibitis, quum adolescens abhinc annos 'quinquaginta ita in Athenaeo Gregoriano publica es perfunctus disputatione, ut viris doctrina spectatissimis ad altiora praesidere visus, eam excitaveris spem, quam vicariam Christi po-