484 CONSTITUTIO

niantur religiosi sodales, qui in Anglia et Scotia missionum causa consistunt : Iii enim ut plurimum in privatis domibus terni, bini, interdum singuli commorantur. Et quamvis Benedictus XIV in Constit. Apostolicum Ministerium ¿III kalen. Iunii anno Incarna- tionis Dominicae MDCCLIII , memoratos missionarios regulares pri- vilegio perfrui declaraverit, subdubitandum tamen Episcopi rursus in praesens existimabant, eo quod, restituta episcopali hierarchia, rem catholicam ad iuris communis formam in ea regione guber- nari oportet. Iure autem communi (1) constitutum est, ut domus, quae sodales religiosos sex minimum non capiant, in potestate E- piscoporum esse omnino debeant. Insuper ipse Constitutionis Auctor visus est ponere privilegii causam in « pubblici regiminis legibus quibus coenobia-quaecumque prohibentur » ; hanc vero causam com- pertum est fuisse sublatam, quum plures iam annos per leges il- lius regni liceat religiosis sodalibus in collegia coire.

Nihilominus haec tanti non sunt, ut reapse privilegium defecisse iudicemus. Nam quamvis hierarchiae instauratio facit ,* ut res ca- tholica apud Anglos ad communem Ecclesiae disciplinae potentia- liter revocata intelligatur ; adhuc tamen res ibi geruntur eodem fere modo atque in missionibus geri solent. Iamvero sacrum Consilium christiano nomini propagando pluries declaravit, Constitutiones Cle- mentis VIII Quoniam ix kal. Iulii MDCIII, Gregoiii XV Cum alias x v i kalen. Septemb, MDCXXII, Urbani VII Romanus Pontifex v kal. Septemb, MDOXXIV. itemque Constitutiones Innocentii X non esse de domibus atque hospitiis missionum intelligendas (2). Ac merito qui- dem; nam quum dubium iamdudum fuisset propositum Clementi VIII, utrum religiosi viri ad Indos missi'in culturam animarum existi- mandi essent quasi vitam degentes extra-coenobii septa, proindeque Episcopis subesse Tridentina lege iuberentur, Pontifex ille per Con- stitutionem Religiosorum quorumcumque vi Idus Novembris MDCI decreverat eos « reputandos esse tamquam religiosos viventes intra » claustra - quamobrem - in concernentibus curam animarum Or- '» dinario loci subesse ; in reliquis vero non Ordinario loci, sed suis » superioribus subiectos remanere. » - Neque aliud sensit iudicavit- que Benedictus XIV in suis constitutionibus Quamvis v kalend. Martii MDCcxLvi, Cum nuper vi Idus Novembris MDCCLI , et Cum alias v Idus Iunii MDCCLIII. Ex quibus omnibus liquet, etiam ho-

(1) Innocent. X Constit. Instaurandae, die 15 Octob. 1652. Constit. Ut in parvis, die 10 Februar. 1654.

(2) S. Cong. de Prop. fide 30 Ianuarii 1627; 27 Martii 1631; 5 Oct. 1655; 23 Septembris 1805; 29 Martii 1834.