484 PARISIEN.

matrimonio monuerit, assuetasque oblationes post initas nu- ptias eidem obtulerit, facto suo clare evincit quid de hoc parocho sentierit.

Ex altera yero parte relate ad Epinay, licet ducissa ibi domicilium habere contendat nihilominus, ait patronus, ipsius ducissae testimonio constat, hanc mulierem ibi qualemcum- cumque veri aut quasi domicilii canonici speciem numquam habuisse. Misso enim quod ipsa ducissa se prodat, ut inde- sinenter peregrinantem, et numquam diu ac stabiliter in ali- quo loco consistentem ; quod quidem praesumere facit quod nullibi unquam extra Parisios domicilium aut quasi domici- lium sortita sit ; sedulo insuper notandum est, quod ducissa suburbanum epineyense non ut verum domicilium habuerit^ sed dumtaxat ceu domum ruralem, aes ti vam commorationem aut vivarium. Ita enim ipsa locum appellat.

Accedit quod haec rustica domus, nec unica, nec magis dilecta eidem fuerit. Sed quotannis potius per duos aut tres menses, plus minusve pergere consuevisse in aliam villam, dissitam a Parisiis, nemoribus et collibus apricam, de qua ait : « Flines esse praedium typicum » - adeo ut ducissa fatea- tur posthabuisse Epineyum pro Flines.

Accedit etiam quod ex ducissae confessione constet usque ad biennium ante filiae nuptias villam epineyensem fuisse prorsus neglectam. Ait enim: post annum 1874 coepi de- serere proprietatem Flines ceu villam. Et postquam edixerit, se anno 1875, filiae matrimonio praecedenti, ob opera quae in villa fieri voluit invigilanda, sese transegisse totam aesta- tem in villam epineyensem; de tempore praecedenti rogata respondit : ante eiusmodi opera quoque Castellum epineyense erat mea praedilecta mansio aestiva. Si raro illuc me contuli, et si saepius Flines petii, ratio erat ut curarem meae filiae negotia. Ubi patronus ducissae, confessione in substantialibus acceptata, relate ad praetensam praedilectionem villae Epinay, notat, hanc assertionem parum respondere realitati factorum: 60 vel magis quod parochus Maillot, ducissae amicus, de du- cissa asseruerit quod illa aerem timebat epineyensem.