484 VARSAVIEN.

qui negabant impotentiam relativam seu respectivam ha- beri posse uti impedimentum dirimens.

Profecto haud facile est iudicium ferre an adsit impo- tentiae impedimentum, praesertim si agatur de impotentia non manifesta sed occulta.

DD. praecipue antiquiores plura habent de methodo ser- vanda iuxta Decretalium ius ad probandum impotentiae im- pedimentum ; ac praesertim de triennali experimento.

Cum vero hoc experimentum ab aula recesserit, eo quod modo in casu dubiae impotentiae facilior et securior prae- fertur via dispensationis matrimonii rati et non consum- mati, atque haec S. C. anno 1840 Instructionem dederit, qua methodus praescribitur servanda in conficiendo processu in causis matrimonialibus, et speciatim in casu impotentiae; de quo casu etiam S. O. Instructionem edidit quae incipit Iudex, et plura habentur in alia Instr. S. O. in causis matrimonialibus 20 Iunii 1833 ad Episcopus Orientales, et Instr, de Prop. Fide 1883 de Iudiciis ecclesiasticis circa causas matrimoniales, inutile est DD. placita ferre, et ad normam harum Instructionum veritas est inquirenda.

Iam vero iuxta has Instructiones et servata Constitu- tione Dei miseratione processus confectus est a Curia Var- saviensi ; cuius ergo Acta sunt modo examinanda.

Porro ex actorum examine concludendum certo est, hic non agi de impotentia manifesta ; in hoc enim omnes tres periti ex officio deputati ad examinandum corpus Caroli conveniunt.

Sic Doctor Bondy iurata in relatione, quam deinde ante Iudicem sub iuramento confirmavit, testatur: « examen cor- poris Caroli docet eum esse hominem bene conformatum satisque robustum. In exploratione pudendorum observa vi membrum virile esse 8 1{2 centina, longum, 8 vero cent, crassum. In conformatione penis nullum deprehendi defe- ctum, scrotum est exiguum arcte constrictum. In scroto unus adest tantum testiculus nimirum dexter media dimen- sione modice elasticus si tangitur. Alterum testiculum re-